Օդերևութաբանները անոմալ շոգ եղանակ են կանխատեսել Մոսկվայում
Անոմալ շոգ եղանակը մոսկովյան տարածաշրջան կհասնի հաջորդ շաբաթվա կեսերին: Ինչպես հաղորդում է INTERFAX.RU-ն, այս մասին կիրակի հայտնել է ՌԴ Հիդրոմետկայանը:
Օդերևութաբանական ծառայության կանխատեսումներով՝ երկուշաբթի օդի ջերմաստիճանը կտաքանա մինչև 21-23 աստիճանի՝ ըստ Ցելսիուսի, տեղումներ չեն ակնկալվում: Մոսկվայում երեքշաբթի սպասվում է մինչև 27-28 աստիճան ջերմություն: Չորեքշաբթի օդի ջերմաստիճանը կարող է հասնել 30-32 աստիճան տաքության: Նման ջերմաստիճանը Մոսկվայում և Մերձմոսկվայում կպահպանվի մինչև հինգշաբթի:
Անձրևները Մոսկվայում կսկսվեն հաջորդ շաբաթվա կեսից միայն: Օդերևութաբանների կարծիքով՝ կիրակի ցերեկը ՌԴ մայրաքաղաքում ջերմաստիճանը կկազմի 22-24 աստիճան: