Տեսախցիկը ֆիքսել է՝ ինչպես է տաք ապուրը «ժայթքում» մատուցողուհու դեմքին (տեսանյութ)
Daily Mail պարբերականը հրապարակել է մի տեսանյութ, որում երևում է, թե ինչպես է տաք ապուրը «ժայթքում» ռեստորանի մատուցողի դեմքին:
Դեպքը տեղի է ունեցել անցած շաբաթ՝ Չինաստանում: Սեղանի շուրջ ճաշող հաճախորդներից մեկն իր կրակայրիչը սեղանի մյուս կողմում գտնվող ընկերոջը փոխանցելիս այն պատահմամբ գցել է սեղանի մեջ տեղադրված տաք կաթսայի մեջ:
Այն պահին, երբ մատուցողուհին փորձել է շերեփով դուրս հանել կրակայրիչը, եռացող ապուրը, որը տաքացվում է էլեկտրական գազօջախի միջոցով, «ժայթքել» է՝ այրելով մատուցողուհու դեմքը: Բացի այդ միջադեպի հետևանքով տուժել է հաճախորդներից մեկը:
Տուժածներն անմիջապես հիվանդանոց են տեղափոխվել:Դեպքի առնչությամբ հետաքննություն է սկսվել: