Դեկտեմբերին Լոնդոնում կգումարվի ՆԱՏՕ-ի գագաթնաժողովը
ՆԱՏՕ-ի հաջորդ գագաթնաժողովը գումարվելու է այս տարվա դեկտեմբերի 3-4-ը Լոնդոնում և նվիրված կլինի Հյուսիսատլանտյան դաշինքի հիմնադրման 70-ամյակին: Այդ մասին այսօր հայտնել է ՆԱՏՕ-ի գլխավոր քարտուղար Յենս Ստոլտենբերգը:
Նրա փոխանցմամբ, «գագաթնաժողովը կընձեռի ներկայիս իրավիճակը քննարկելու, ի հայտ եկող մարտահրավերներին արձագանքելու և այդպիսով դաշինքի անդամների անվտանգությունը երկարատև հեռանկարով ապահովելու հնարավորություն»:
Ստոլտենբերգն ասել է նաև, որ Լոնդոնը, որտեղ ժամանակին տեղակայված էր ՆԱՏՕ-ի առաջին կենտրոնակայանը, հարմար վայր է դաշինքի 70-ամյակի գագաթնաժողովը կազմակերպելու առումով:
Մեծ Բրիտանիան և ևս 11 պետություններ ՆԱՏՕ-ն ստեղծել են 1949 թվականին:
Այսօրվա դրությամբ ՆԱՏՕ-ի կազմում 29 երկրներ են, դաշինքի կենտրոնակայանը գտնվում է Բելգիայի մայրաքաղաք Բրյուսելում: