Ռուս գիտնականը բացատրել է, թե ինչու տիեզերքում չի կարելի օգտագործել ալկոհոլ և գազավորված ըմպելիքներ
Տիեզերական կայանների և նավերի անձնակազմերին արգելվում է թռիչքի ժամանալ ալկոհոլային խմիչքներ և գազավորված ըմպելիքներ օգտագործել, քանի որ չի կարելի երաշխավորել մարդու նորմալ պահվածքը ոչ սթափ վիճակում, իսկ գազավորված ըմպելիքները բացելու ժամանակ կարող են դուրս ցայտել` անհարմարություններ պատճառելով տիեզերագնացներին: Նման կարծիք է հայտնել կենսաբժշկական խնդիրների ինստիտուտի սննդի բաժնի վարիչ Ալեքսանդր Ագուրեևը` РИА Новости-ին տված հարցազրույցի ժամանակ:
«Տիեզերքում համատեղելի են բոլոր խմիչքները, բացի ալկոհոլից և գազավորված ըմպելիքներից: Ալկոհոլային խմիչքները` մի պարզ պատճառով. հոգեբանները չեն կարող երաշխավորել, որ սթրեսային իրավիճակում մարդը կկարողանա ալկոհոլ օգտագործելուց հետո նորմալ պահվածք դրսևորել: Ինչ վերաբերում է գազավորված ըմպելիքներին, ապա վտանգը կայանում է նրանում, որ բացելուց հետո գազը կարող է դուրս ցայտել և հայտնվել տիեզերագնացի աչքերում, քթանցքում` անհարմարություններ պատճառելով»,- ասել է Ագուրեևը: