1USD = AMD
1EUR = AMD
1RUB = AMD
Այսօր՝ 20 հունիսի 2019թ., 00:00
Չգիտեմ՝ «Սորոս» ասելով ինչ նկատի ունեն. արդարադատության նորանշանակ նախարար Մամեդյարովը Վաշինգտոնում հանդիպել է ԵԱՀԿ ՄԽ համանախագահների հետ Եւս մեկ կենսագրություն չունեցող եւ բանակում չծառայած նախարար Իրանի նկատմամբ Թրամփի քաղաքականությունը Թեհրանին բանակցային սեղանի շուրջ նստեցնելու նպատակ ունի «Մուրսին բնական մահով չի մահացել». Էրդողանը մեղադրել է Եգիպտոսի իշխանություններին նախկին նախագահի «սպանության» համար Կարո Փայլանը անդրադարձել է Թուրքիայի բյուջեի ճեղքվածքին Ո՞ւր մնաց տնտեսական հեղափոխությունը. «կայծակնային» փոփոխությունների միֆը կամ «կախարդական փայտիկի» ֆենոմենը չաշխատեց Վահե Գրիգորյանն այսօր կերդվի ԱԺ-ում ՌԴ զարգացումները՝ մանրադիտակի տակ. Փաշինյանի հանձնարարականը Ժամկետանց դեղեր՝ «Ձորակ» հոգեկան առողջության խնդիրներ ունեցող անձանց խնամքի կենտրոնում Ովքեր են թիրախում. Կառավարության քայլերը տանում են սոցիալական լարվածության խորացման Դավիթ Անանյանն ուրախ է. վերջապես ազատվեց վերադասի «աչք ու ականջից» ՊԵԿ-ում «Ադեկվադ դիսկուրս». ուղիղ Զոհրաբ Մնացականյանն ու ԱՄՆ պետքարտուղարի տեղակալի պաշտոնակատարը քննարկել են նաև ռազմավարական երկխոսության հարցեր Եթե այդքան շատ եք սիրում հայերին, եկեք նոր բացված ռեստորանը իրական հայկական տոլմա ուտելու. ստամբուլահայ գործիչ ԱԺ նիստն՝ ուղիղ միացմամբ Դատական համակարգը՝ ճգնաժամի առջեւ․ դատավորները լուրջ մտավախություններ ունեն Ռոնալդուն ընտանիքի հետ զբոսանքի է մեկնել ուղղաթիռով (լուսանկարներ) «Մենք շրջադարձային փուլում ենք». Փաշինյանը ներկայացրել է արդարադատության նոր նախարարին (տեսանյութ) Առերեսվել են Սերժ Սարգսյանն ու գործարար Լեւոն Մարկոսը. այն տեւել է 4,5 ժամ. մանրամասներ Արդարադատության նոր նախարարը Արարատի մարզպետի փաստաբանն է եղել ՔՊ հիմնադիրներին «ցույց են տվել իրենց տեղը». դա արվել է Փաշինյանի «դաբրո»-ով. Հայտնի է՝ ով ում դեմ է գործել Հոլիվուդյան փառքի ծառուղում գողացել են Մերիլին Մոնրոյի արձանը Ոստիկանի կողմից անչափահասին ծեծելու գործն ընթացք է ստացել Եգիպտոսում հնագետները քրմերի մումիաներ եւ իրական գանձեր են հայտնաբերել Արդարադատության նորանշանակ նախարարի բիզնեսը Ովքեր են թիրախում. Կառավարության քայլերը տանում են սոցիալական լարվածության խորացման Սամվել Կարապետյանը ներդրումների դիմաց պայման է դրել Փաշինյանի առաջ ԵԱ․ Արմեն Նազարյանի որդին եզրափակիչում հաղթեց թուրք մրցակցին՝ 10։0 (տեսանյութեր, լուսանկարներ) «Ռիսկային չարի՞ք», թե՞ փրկության երաշխիք. Փաշինյանը փոխել է կարծիքը Գողացել են ԱԺ պատգամավորի մեքենայի կողային հայելին Գյուղապետն ընկերների հետ ծեծի է ենթարկել համագյուղացուն. վերջինս մարմնական վնասվածքներով տեղափոխվել է հիվանդանոց «Կոկորդիլոսի» հովանավորությամբ. բողոքի ակցիաների հետեւում Արարատի մարզպետի ազգականն է Սամվել Կարապետյանը եւ Սերժ Սարգսյանը հանդիպել են Հայտնի է՝ ոստիկանության զորքերի հրամանատարի նախկին տեղակալի դեմ ցուցմունք տված անձը Հանրային հեռուստաընկերությունը հրաժարվում է տրամադրել վարկի հաշվին կատարված գնումների պայմանագրերի կրկնօրինակները 2018 թվականին Հայաստանի արտաքին պետական պարտքը բացարձակ արտահայտությամբ աճել է 38 մլն ԱՄՆ դոլարով Արմեն Սողոյան. Քանի դեռ հիվանդանոցներում ստվերային փող է պտտվում, ապահովագրական մեխանիզմը չի աշխատելու Մոսկվայում կգերազանցվի 100-ամյա ջերմաստիճանային ռեկորդը Գյումրիում հորդառատ անձրևի պատճառով ավտոմեքենաներն արգելափակվել են անձրևաջրերի մեջ Փաշինյանը անիմաստ է համարում ընդդիմությանը վերահսկողական պաշտոններ տալը Արայիկ Հարությունյանը՝ դպրոցներում ավարտական քննությունների ցավալի արդյունքների մասին Իմ աշխատանքային փորձը բավական է Արդարադատության նախարարության համակարգը ղեկավարելու համար. նորանշանակ նախարար Վենեսուելան փորձել է իր ոսկին վաճառել Թուրքիայում Լեւոն Քոչարյանի մարդկային անկեղծությունը Զոհրաբ Մնացականյանը և ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարը քննարկել են ԼՂ հիմնախնդիրը Ֆրանսիան եւ Գերմանիան ակտիվացնում են ջանքերը Իրանի պատճառով լարվածության թուլացման համար ԵՄ-ի կոչը Եվրահանձնաժողովին. «Թուրքիայի դեմ պետք է միջոցներ ձեռնարկել» Պատերազմի սպառնալիքով որեւէ մեկը չի կարող մեզ վախեցնել. Նիկոլ Փաշինյան Մուրսին «չի մահացել, նրան սպանել են». Էրդողան Արթուր Դավթյանի ընտրությունը Տարածաշրջանի երկրների պատմության ադրբեջանական տարբերակն իրականությանը չի համապատասպանում. նախարար Հայաստանում տուրիզմի զարգացման գլխավոր նախապայմանը դրական իմիջն է. ՀՀ վարչապետ Ժամ առաջ արգելեք հնամաշ ավտոմեքենաների շահագործումը Երեւանում. Գեւորգ Պետրոսյանի բաց նամակը՝ Օսիպյանին ԵՄ-ի տնտեսությունը կարգի է եկել ռուսական հակապատժամիջոցներից. Մոգերինի Հայաստանը ծրագրում է մոտ 1,5 մլրդ դոլարի նոր վարկեր ներգրավել. ֆիննախ Մի քանի օրվա անկումից հետո դոլարն ու եվրոն թանկացել են Բարի Ալիբասովը հոսպիտալացումից հետո առաջին հարցազրույցն է տվել Ահա թե ի°նչ է ստացվում ,երբ գործը վստահում են գործից անտեղյակներին Հայտնի է կանանց սթրեսի հիմնական աղբյուրը Ուկրաինացի պատգամավորին մահացած են գտել. նախնական վարկածով՝ նա ատրճանակը մաքրելիս կրակել է ինքն իր վրա Եթե անգամ բենզինի վրա ակցիզային հարկ դրվի, բենզինի մեկ լիտրը կթանկանա ընդամենը 1,6 դրամով. ԱԺ պատգամավոր Հեռացվել է Շերեմետեւոյի աղետի տեսանյութը տարածած ոստիկանը Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին Դեմոկրատ Բերնի Սանդերսը խիստ քննադատել է Թրամփին Խաշոգջիի մահվանը սաուդցի արքայազնի մասնակցության ապացույցներ կան. ՄԱԿ Ահա թե ով է հակաքոչարյանական շարժման թիվ մեկ ակտիվիստը Պոգբան չի ցանկանում տեղափոխվել «Ռեալ» «Ցանկացած դեմոկրատ թեկնածուի օգտին քվեարկելը կնշանակի կործանել ամերիկյան երազանքը». Թրամփ Ուկրաինայի ԼԳԲՏ համայնքի ներկայացուցիչները Զելենսկիին գեյ շքերթի մասնակցելու են հրավիրել ՊԵԿ-ը «հարկային տեռոր»-ի վերաբերյալ հրապարակման առնչությամբ պարզաբանմամբ է հանդես եկել Խարկովում հանրակացարանի 6-րդ հարկից դուրս նետված հայ ուսանողը պատմել է դեպքի մանրամասները (տեսանյութ) Քեյթ Միդլթոնի և արքայազն Ուիլյամի «կորտեժը» վթարի է ենթարկել տարեց կնոջ. վիճակը ծանր է (լուսանկար) Պուտինը ներկա չի գտնվի Մինսկում Եվրոպական խաղերի բացման արարողությանը Գվարդիոլան աճուրդում վաճառել է հաջողություն բերած վերարկուն Տնտեսական հեղափոխություն, այնուամենայնիվ, մեր քաղաքացիների կյանքում տեղի չի ունեցել. Մանե Թանդիլյան Դրանք ասեկոսեներ են. գլխավոր դատախազը՝ Նարեկ Սարգսյանին արտահանձնելու համաձայնություն չտալու տեղեկության մասին Հայաստանից արտահանման ծավալների նվազումը տագնապահարույց է. ֆիննախ Ճապոնիայում երեխաների ֆիզիկական պատիժն արգելող օրինագիծ է ընդունվել Ինդոնեզիան 2021 թվականին կսկսի Ջակարտայից մայրաքաղաքի տեղափոխումը
Հարցում

«Ալեքս Հոլդինգի» առեղծվածը. Ինչո՞ւ Սամվել Ալեքսանյանը որոշեց փոխել հարկերի վճարման ձևը

168 ժամը գրում է.Պետեկամուտների կոմիտեն վերջապես հրապարակեց այս տարվա առաջին եռամսյակի խոշոր հարկատուների ցանկը։ Ցանկում ընդգրկված կազմակերպությունների վճարներն ավելացել են։ Սակայն այնպես չէ, որ դրանից, հարկային մուտքերի հետ կապված՝ տարօրինակությունները պակասել են։

Առաջին եռամսյակում, ըստ Պետեկամուտների կոմիտեի հրապարակման, 1000 խոշոր հարկատուները վճարել են ընդհանուր առմամբ 212,2 մլրդ դրամի հարկ։ Այն 33,6 միլիարդով ավելի է նախորդ տարվանից։ Աճը հասնում է գրեթե 19 տոկոսի, ինչն անխոս բարձր, նույնիսկ ռեկորդային ցուցանիշ է։

Թե ընդամենը 6,5 տոկոս տնտեսական ակտիվության պայմաններում ինչպե՞ս է հաջողվել նման բարձր աճ ապահովել, հավանաբար պետք է հարցնել ՊԵԿ-ին։ Եթե դա իսկապես ստվերի կրճատման հաշվին է, անշուշտ, ողջունելի է։ Բայց եթե հարկային մարմինները դրան հասել են հայտնի ու անհայտ եղանակներով, ապա միայն պետք է մտահոգվել։ Հատկապես որ, այդպես մտածելու համար որոշակի հիմքեր կան։ Վերջին շրջանում Պետեկամուտների կոմիտեի հրապարակումներում ավելի հաճախ են տեղ գտնում բացասական նշանով մուտքերը։ Մինչև հիմա խոշոր հարկատուների ցանկում այդպիսի բան չէր հանդիպել։ Բայց հիմա արդեն հանդիպում է։

Ասենք` ինչպե՞ս հասկանալ, որ «Տրանսգազ» ընկերության շահութահարկի վճարն առաջին եռամսյակում կազմել է -22,9 մլն դրամ։ Կամ՝ ինչպե՞ս է լինում, որ նոր իշխանությունների հետ սերտ հարաբերություններ հաստատած, այլևս նախկին օլիգարխ Սամվել Ալեքսանյանին պատկանող «Սիթի» ընկերությունը եկամտային հարկի գծով առաջին եռամսյակում կատարել է -986 մլն դրամի պարտավորություն։ Հիմա սա ի՞նչ է նշանակում` Ս.Ալեքսանյա՞նն է բյուջեին պարտք մնացել, թե՞ հակառակը։

Իհարկե, խոշորների ցանկում դա այս գործարարի հետ կապված միակ հետաքրքիր դրվագը չէ։

Այսպես, անցած տարվա առաջին եռամսյակում ավելի քան 3,3 մլրդ դրամի հարկային պարտավորություն կատարած Ս.Ալեքսանյանին պատկանող «Ալեքս Հոլդինգն» այս տարվա նույն ժամանակահատվածում պետական բյուջե է վճարել ընդամենը 132,4 մլն դրամ։ Այլ կերպ ասած` 25 անգամ ավելի քիչ։ Առաջին հայացքից՝ գուցե զարմանալի է, բայց այդպես է։

Այդպես է, որովհետև նոր Հայաստանում գործարարը որոշել է հարկերի վճարումը ներկայացնել նորովի` ոչ թե մեկ, այլ մի քանի կազմակերպության անվամբ։ Որ Ս.Ալեքսանյանը նախկինում էլ հաճախ էր իր տնտեսական գործունեությունն անընդհատ մեկ կազմակերպությունից տեղափոխում մեկ այլ, նորություն չէ։ Հասկանալի է, որ դա ինքնանպատակ չէ։

Արդեն կարծես փոխարինող է պատրաստվում նաև «Ալեք Հոլդինգի» համար։ Իշխանափոխությունից անմիջապես հետո գործարարը գրանցեց նոր ընկերություն` «Ալեքս Էնդ Հոլդինգ», որը գնալով ընդլայնում է գործունեությունը։

Աշխատելով ընդամենը մի քանի ամիս, անցած տարի այն վճարեց 2,8 մլրդ դրամի հարկ` հիմնական մասը՝ տարեվերջին. չորրորդ եռամսյակում ընկերության կողմից կատարված հարկային պարտավորությունները կազմեցին շուրջ 2,2 մլրդ դրամ։

Ընկերությունն ակտիվորեն աշխատանքի է անցել նաև այս տարվա սկզբին։ Առաջին եռամսյակում «Ալեքս Էնդ Հոլդինգը» պետական բյուջե է վճարել 1 մլրդ 332 մլն դրամ, որից ավելի քան 1,2 միլիարդը՝ մաքսային գծով։ Սա նշանակում է, որ այն գործել է ներմուծումների ոլորտում։ Ի դեպ, վճարված 1,3 միլիարդից ընդամենը 5,7 մլն դրամն է եղել շահութահարկի գծով։

Գործարարի մեկ այլ ընկերություն` «Սիթին», կատարել է 1 մլրդ 339 մլն դրամի պարտավորություն։ Քանի որ անցած տարի սիթիների վճարած հարկերն ընդգրկված են եղել «Ալեքս Հոլդինգի» վճարների մեջ, հիմա հնարավոր չէ ասել, դրանք ավելացե՞լ են, թե՞ պակասել։ Նույնը նաև մյուս ընկերությունների մասով է։ Բացառություն է, թերևս, «Ալեքս տեքստիլը», որը, ինչպես անցած, այնպես էլ այս տարի հանդես է եկել առանձին։ Այն կատարել է 326 մլն դրամի պարտավորություն, ինչը գրեթե 2,4 անգամ ավելի է նախորդ տարվանից։

Քանի որ խոսեցինք խոշոր հարկատուների ցանկի հայտնի գործարարներից մեկից` անդրադառնանք ևս մի քանի հայտնիների վճարած հարկերին։

Վերջին շրջանում իշխանության թիրախում հայտնված «Արարատցեմենտն» առաջին եռամսյակում պետական բյուջե է վճարել 374 մլն դրամ, ինչը 124 միլիոնով ավելացել է։ Գագիկ Ծառուկյանին պատկանող մեկ այլ ընկերություն` «Օնիրա Քլաբը», կատարել է 1 մլրդ 232 մլն դրամի պարտավորություն։ Այն 53 միլիոնով ավելի է նախորդ տարվանից։ Աճն ակնհայտ է հատկապես «Մուլտի-Լեոնի» և «Մուլտի գազի» դեպքում։ Տարեսկզբի երեք ամիսներին առաջինը կատարել է՝ ավելի քան 259 մլն դրամի, երկրորդը` 210 մլն դրամի պարտավորություն։ «Մուլտի-Լեոնի» վճարներն ավելացել են՝ 2,9, «Մուլտի գազինը»` 3,6 անգամ։

Վճարած հարկերով կտրուկ առաջադիմել են հատկապես «Գրանդ Հոլդինգի» սեփականատերերը։ «Գրանդ Տոբակոն» անցած տարվա 8 միլիարդի դիմաց՝ առաջին եռամսյակում վճարել է ավելի քան 12,8 մլրդ դրամ։ Այսինքն` ընկերության հարկերը շուրջ 60 տոկոսով ավելացել են։ Անցած տարվա 2 մլրդ դրամի դիմաց՝ «Ինտերնեյշնլ Մասիս Տաբակը» բյուջե փոխանցած հարկերը հասցրել է 3,9 մլրդ դրամի, ինչը գրեթե կրկնակի ավելի է։

Թե ինչո՞վ է պայմանավորված եղել ծխախոտի արտադրության ոլորտում գործող այս ընկերությունների կողմից կատարված հարկային պարտավորությունների նման բարձր ակտիվությունը, հայտնի չէ։ Ուղղակի արձանագրենք, որ պաշտոնական տվյալներով՝ այս տարվա առաջին եռամսյակում Հայատանում ծխախոտային արտադրատեսակների արտադրությունն ավելացել է 10 տոկոսով, իսկ սիգարետներինը մնացել է նույնը, այսինքն` աճ չի գրանցվել։

Խոշորների ցանկում նկատելի է հեռահաղորդակցության ոլորտի ընկերությունների կողմից վճարված հարկերի կրճատման միտումը։ Առանձին ընկերությունների դեպքում դա բավական կտրուկ է արտահայտվել։

Անցած տարվա 1,6 մլրդ դրամի դիմաց՝ այս տարվա առաջին եռամսյակում «ՄՏՍ Հայաստանի» կատարած պարտավորությունները կազմել են ընդամենը 199 մլն դրամ։ Այսինքն` 8 անգամ նվազել են։ «Վենո Արմենիան» բյուջե է փոխանցել 518 մլն դրամ, ինչը 2,5 անգամ պակաս է նախորդ տարվանից։

Այս ոլորտում վճարած հարկերով առաջատարը «Յուքոմ» ընկերությունն է. կատարվել է ավելի քան 1,9 մլրդ դրամի պարտավորություն։ Թեև «Յուքոմի» դեպքում ևս վճարված հարկերը նվազել են։ Անցած տարվա առաջին եռամսյակում դրանք կազմել էին շուրջ 2,5 մլրդ դրամ։

Բենզինի և դիզելային վառելանյութի ներմուծման և իրացման ոլորտում, ի տարբերություն «ՍիՓիԷս Օիլ Քորփորեյշնի», որի վճարած հարկերը նվազել են, 1,1 մլրդ դրամով ավելացել են «Ֆլեշ» ընկերության փոխանցումները։ Այս շուկայում կտրուկ առաջադիմել է հատկապես «Մաքս Պետրոլը», որ նախորդ տարվա 292 մլն դրամի դիմաց՝ այս տարի վճարել է գրեթե 2,6 մլրդ դրամի հարկ։ Փոխարենը` «Ռոսնեֆտ Արմենիան» կատարել է ընդամենը 199 մլն դրամի պարտավորություն, ինչը 155 միլիոնով պակաս է եղել անցած տարվանից։

Ինչպես նախորդ, այնպես էլ այս տարի խոշորների ցանկի առաջատարը «Գազպրոմ Արմենիան» է, թեև վերջինս մի փոքր նույնիսկ նվազեցրել է վճարած հարկերը։ Բացասական տարբերությունն ավելի մեծ է «Տրանսգազի» դեպքում` անցած տարվա 1,9 միլիարդի դիմաց՝ 1,7 մլրդ դրամ։

Եվս մեկ կարևոր փաստ. չնայած խոշոր հարկատուների վճարներն այս տարի ավելացել են գրեթե 19 տոկոսով, այնուհանդերձ, շահութահարկի գծով փոփոխություն գրեթե չի եղել։ Այս հարկատեսակի գծով 1000 հարկատուների վճարները կազմել են 22,9 մլրդ դրամ՝ նախորդ տարվա 22,4 միլիարդի դիմաց։

website by Sargssyan