Մնում էր Դավիթ Սանասարյանը դատարանի շենք շրջափակեր
«Վաղը առավոտյան 8:30-ից փակելու եմ Քոչարյանին ազատություն նվիրող դատարանի դուռը (առաջվա՝ Ավան և Նոր Նորք վարչական շրջանների ընդհանուր իրավասության առաջին ատյանի դատարան)։
Հեղափոխությունը պետք է հասցնել տրամաբանական ավարտին։
Սիրում եմ բոլորիդ, մինչ հանդիպում»,- նման ֆեյսբուքյան գրառում արել էր Դավիթ Սանասարյանը, որին պաշտոնական լիազորությունները չարաշահելու համար մեղադրանք է առաջադրվել:
Հիշեցնենք, որ մինչեւ մեղադրանքի առաջադրումը Սանասարյանը զբաղեցնում էր Պետական վերահսկողական ծառայության պետի պաշտոնը:
Եւ հիմա, ավելի ճիշտ դատարանների շրջափակելուց առաջ Դավիթ Սանասարյանը, որին ծանր եւ լուրջ մեղադրանքներ են ներկայացվել, ասում է, թե շրջափակելու է այն դատարանը, որը...
Սանասարյանի նկատմամբ որպես խափանման միջոց է կիրառվել չհեռանալու մասին ստորագրությունը, բայց դա դեռ նրան, եւ ոչ միայն նրան որեւէ իրավունք չի տալիս խոչընդոտել դատարանների աշխատանքը:
Եւ ամենատարօրինակն այն է, որ Դավիթ Սանասարյանի հայտարարությանը չարձագանքեց ԱԱԾ-ն:
Ահա այսպիսին է ժամանակակից Հայաստանը, որտեղ ամեն օր տարօրինակ իրադարձություններ են տեղի ունենում:
Վահրամ Գեւորգյան
Top-News.am