«Եթե Իրանը ցանկանա պատերազմել, ուրեմն դա կլինի այդ երկրի պաշտոնական վերջը». Թրամփ
ԱՄՆ նախագահ Դոնալդ Թրամփն իր թվիթերյան միկրոբլոգում կրկին անդրադարձել է Իրանի հետ լարված հարաբերություններին թեմային:
Նախագահը մասնավորապես գրել է.«Եթե Իրանը ցանկանա պատերազմել, ուրեմն դա կլինի այդ երկրի պաշտոնական վերջը: Այլևս երբեք չսպառնաք Միացյալ Նահանգներին»:
Վերջին շրջանում լրատվամիջոցներում պարբերաբար շրջանառվում են երկու երկրների միջև ռազմական բախման հավանականության վերաբերյալ քննարկումները:
Ավելի վաղ Իրանը հայտարարել էր, որ պատերազմելու ցանկություն թեև չունի, սակայն հարկ եղած դեպքում կպաշտպանի իր շահերը:
Հիշեցնենք, որ Թրամփը նախագահի պաշտոնը ստանձելուց հետո բավական կոշտ քաղաքականություն է սկսել վարել ընդդեմ Իրանի: Նախորդ տարվա մայիսին ԱՄՆ-ն դուրս է եկել Թեհրանի և «միջնորդ վեցյակի» (ԱՄՆ, Ռուսաստան, Չինաստան, Մեծ Բրիտանիա, Ֆրանսիա, Գերմանիա) հետ կնքված պատմական միջուկային համաձայնագրից՝ պատճառաբանելով, որ այն չի բխում ԱՄՆ-ի շահերից: