Դատավոր Բալայանին արգելել են մուտք գործել դատարան,դատավոը փորձեց պատուհանից մտնել դատարան. ցուցարարները խոչընդոտեցին, դատավորը վայր ընկավ (տեսանյութ)
Վարչապետ Նիկոլ Փաշինյանի՝ դատարանների մուտքերն ու ելքերը փակելու կոչին հետևվող քաղաքացիներն արդեն փակել են Երևանի ընդհանուր իրավասության դատարանի ելքերն ու մուտքերը: Դատավոր Դավիթ Բալայանը փորձել է մտնել դատարան, սակայն քաղաքացիներն արգելել են նրա մուտքը:
Դատավոր Բալայանը փորձել է դատարան մուտք գործել անցակետի պատուհանից, սակայն ընկել է:
Դավիթ Բաբայանն ասաց.«Դատարանի շենքի ելքն ու մուտքը փակողները, իրենց մուտքը դատարան խոչընդոտողները պատասխանատվության են ենթարկվելու և վերջ»:
Քաղաքացիները ոչ միայն խոչընդոտել են դատավորի մուտքը, այլ նաև նրա հասցեին վիրավորական արտահայտություններ են հնչեցնում:
Այստեղ է գտնվում նաև «Իմ քայլը» խմբակցության պատգամավոր Հրաչյա Հակոբյանը։