Ադրբեջանցիներին արգելել են մուտք գործել Չինաստանի քաղաքներից մեկը. Լուսանկար
Ադրբեջանի քաղաքացիներին արգելվում է մուտքը չինական Ֆույուան քաղաք զբոսաշրջային խմբերի կազմում: Ֆույուանը Ռուսաստանի հետ սահմանին գտնվող կարևոր առևտրային և զբոսաշրջային քաղաք է: Մուտքի նման կարգը տարածվում է նաև Ուզբեկստանի, Ղազախստանի, Ղրղզստանի և այլ հիմնականում թյուրքալեզու երկրների քաղաքացիների վրա:
Նման արգելքի առկայությունը հաստատում են նաև տուրօպերատորները, որոնք ուղևորություններ են կազմակերպում Չինաստան այդ քաղաքով: Նշվում է, որ արգելքը ոչ հրապարակային բնույթ է կրում:
«Մայիսի 15-ին մենք բողոք ենք հղել Չինաստանի Գլխավոր հյուպատոսություն Խաբարովսկու, պատասխանին սպասում ենք մոտ օրերս: Չինական կողմը մեզ չի տեղեկացրել ընդունված որոշման մասին», - «АиФ — Хабаровск»-ին ասաց ՌԴ ԱԳՆ տեղական ներկայացուցիչ Պավել Սիլաևը:
Դիվանագետը ենթադրել է, որ արգելքը կապված է Չինաստանի՝ ահաբեկչության դեմ պայքարի հետ: