Հայ երեխան Թուրքիայում մահմեդականություն է ընդունել
Այս թեմայով
- Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ
- Թուրքիան պատրաստ է համակողմանի օգնել ՌԴ և Ուկրաինայի միջև բանակցությունների կազմակերպմանը
- Ալիևը պաշտոնական այցով ժամանել է Թուրքիա
- Թուրքիայի արևելյան մասում 4,5 մագնիտուդ ուժգնության երկրաշարժ է տեղի ունեցել
Արթուր անունով 13-ամյա հայ մի տղա (լուսանկարում) թուրքական հեռուստաալիքներից մեկի ուղիղ եթերում փոխել է իր կրոնն ու անունը, հաղորդում են թուրքական ԶԼՄ-ները` նշելով, որ Արթուրն ընտրել է Նիհաթ մահմեդական անունը: Այդ մասին հայտարարվել է մահմեդականների սուրբ ամսվա՝ Ռամադանի առթիվ հեռարձակվող տոնական հաղորդումներից մեկի ժամանակ:
Թուրք կրոնավորը տղային հարցնում է՝ պատրա՞ստ ես իսլամ ընդունել, տղան պատասխանում է՝ այո՛: Նա տղային տեղեկացնում է, որ խոսել է նրա ընտանիքի հետ, վերջինս համաձայն է այս որոշմանը: Հաղորդման ընթացքում նա նաև տղային ասում է, որ իսլամ ընդունելուց հետո նրա բոլոր մեղքերը կմաքրվեն:
Եթերում հնչող նրանց երկխոսության մեջ թուրք կրոնավորը տղային կրկնել է տալիս հետևյալ արտահայտությունները. «Աստված մեծ է: Մուհամեդն Աստծո մարգարեն է»: SHANTNEWS.am-ը Ստամբուլից տեղեկացավ, որ հայ տղան որոշ ժամանակ հաճախել է Ստամբուլի «Հրանտ Դինք» վարժարանը, որտեղ սովորում են Թուրքիայում աշխատող և ապրող հայ երեխաները: