Գիտնականները Երկիր մոլորակի կլիմայական փոփոխությունների հանգեցնող նոր վտանգ են նշել
Ամերիկյան Փրինսթոնի համալսարանի գիտնականները պարզել են, որ տեկտոնական գործընթացները կարող են հանգեցնել կլիմայական գլոբալ փոփոխությունների:
Ինչպես հաղորդում է Lenta.ru-ն՝ վկայակոչելով գիտական ամսագրում հրապարակված հոդվածը, 50 մլն տարի առաջ հնդկական ենթամայրցամաքի բախումն Ասիայի հետ նվազեցրել է ծովային ջրերի ջերմաստիճանը և հանգեցրել օվկիանոսի՝ թթվածնով հարստանալուն, ինչը փոխել է կենդանի օրգանիզմների բնակության պայմանները:
Մասնագետներն ուսումնասիրել են ֆորամինիֆերների (բրածոներ) իզոտոպային կազմը՝ որոշելու համար ազտոի կենտրոնացումն օվկիանոսում 70-30 մլն տարի առաջ: Միաբջիջ օրգանիզմների մնացորդները հավաքվել են Ատլանտյան օվկիանոսի հարավային և հյուսիսային մասերում, ինչպես Խաղաղ օվկիանոսում:
Ազոտը հանդիսանում է կենդանի օրգանիզմների նյութափոխանակության կազմում առկա օրգանական նյութերի հիմնական բաղադրիչը:
Պարզվել է, որ դինոզավրերի անհետանալուց 10 մլն տարի անց՝ 56 մլն տարի առաջ, թթվածնի պակասի նշաններ են եղել, ինչը կարող էր պայմանավորված լինել գլոբալ տաքացմամբ, քանի որ տաք ջրում թթվածինը վատ է գոլորշիանում: Շուրջ 55 մլն տարի առաջ էլ հենց Հնդկաստանը սկսել է բախվել Ասիայի հետ, որը հանգեցրել է Թետիս գետի անհետացմանը: