ԵԽԽՎ նախագահը ապրիլի 28-ին կայցելի Վրաստան
Վրաստանի խորհրդարանի հաղորդմամբ` Եվրոպայի խորհրդի խորհրդարանական վեհաժողովի նախագահ Լիլիան Մորի-Պասկիեն ապրիլի 28-ին կայցելի Վրաստան:Պաշտոնական այցի շրջանակներում ապրիլի 29-ին նախատեսված է նրա հանդիպումը Վրաստանի խորհրդարանի խոսնակ Իրակլի Կոբախիձեի հետ: Հանդիպումից հետո տեղի կունենա Լիլիան Մորի-Պասկիեի և Իրակլի Կոբախիձեի համատեղ ասուլիսը:
Նույն օրը ԵԽԽՎ նախագահը կմեկնի Ցերովանի՝ բռնի տեղահանված կարգավիճակ ունեցող անձանց համար հատկացված շրջան, կայցելի Օձիսի գյուղ:
Ապրիլի 30-ին Լիլիան Մորի-Պասկիեն կհանդիպի Վրաստանի նախագահ Սալոմե Զուրաբիշվիի ու վարչապետ Մամուկա Բախտաձեի հետ: Կեսօրից հետո նրանք միասին կմասնակցեն Վրաստանի խորհրդարանի` Եվրոպայի խորհրդին անդամակցության 20-ամյակին նվիրված հանդիսավոր նիստին:
Նախատեսվում է երեք պաշտոնյաների ելույթը հանդիսավոր նիստում: