Թրամփը The New York Times-ից պահանջել է ծնկաչոք ներողություն խնդրել իրենից
ԱՄՆ նախագահ Դոնալդ Թրամփը պահանջել է, որ The New York Times պարբերականը ծնկաչոք ներողություն խնդրի իրենից: Այս մասին ԱՄՆ ղեկավարը գրել է իր թվիթերյան էջում:
«Հետաքրքիր է՝ արդյոք The New York Times-ը երկրորդ անգամ ներողություն կխնդրի ինձնից, ինչպես արել էր 2016-ի ընտրություններից հետո: Սակայն այս անգամ ներողությունը պետք է ավելի մեծ լինի: Նրանք պետք է ծնկի իջնեն և ներում աղերսեն. նրանք իսկապես գործել են որպես ժողովրդի թշնամիներ», - գրել է Սպիտակ տան ղեկավարը:
Թրամփը չի մասնավորեցրել, թե ինչի համար պետք է ներողություն խնդրի թերթը, սակայն հայտնի է, որ նախօրեին թերթի թղթակից Փոլ Քրուգմանը հոդված էր հրապարակել՝ հերթական անգամ Թրամփին մեղադրելով ԱՄՆ ընտրություններին Ռուսաստանի միջամտության հարցով հետաքննությանը խոչընդոտելու համար: