Հայերի ճնշող մեծամասնությունը չի ողջունում Երեւանում Թուրքիայի դրոշի այրելը
Այսօր կրկին, ինչպես ամեն տարի Երեւանի կենտրոնում, Ազատության հրապարակում այրեցին Թուրքիայի դրոշը: Իհարկե, դրոշը հազիվ էր հիշեցնում Թուրքիայի դրոշը, քանի որ այն ավելի շատ նման էր 20-րդ դարի 20-ականների սկզբում Միջին Ասիայում կռվող բասմաչների դրոշին, որի վրայի աստղն ու լուսինը, կարծես նկարել էր չորս կամ հինգ տարեկան մի երեխա, բայց ամենակարեւորն այստեղ այն է, որ դատելով այս արարքի մասին հայտնող լուրերի տակ արված գրառումներից, հայերի 90 տոկոսը չի արդարացնում դրոշի այրելը, այն համարելով երեխայական եւ պետություն ունեցող ազգին ոչ հարիր արարք:
Սա է ամենակարեւորը, որ ժողովրդի մտածողությունը բավական մեծ վերելք է ապրել գոնե այս հարցում, իսկ ինչ վերաբերոում է դրոշ վառողներին եւ այն արդարացնողներին, ապա մի օր նրանք եւս կհասկանան, որ պետություն ունեցող ազգերը այս կերպ չեն վարվում:
Top-News.am