«Ռուսական օղին վերջ դրեց Պորոշենկոյի նախագահությանը». Haaretz-ը՝ Ուկրաինայի ընտրությունների մասին
Իսրայելական Haaretz պարբերականի թղթակից Անշել Պֆեֆֆերը կարծում է, որ Ուկրաինայի գործող նախագահ Պյոտր Պորոշենկոյի՝ այս տարվա նախագահական ընտրություններում պարտության պատճառներից մեկը տեղական շուկայում ռուսական օղու բացակայությունն է եղել:
Լրագրողի խոսքով՝ Պորոշենկոն չի կարողացել լուծել Ուկրաինայի հիմնական խնդիրները՝ ներառյալ թույլ տնտեսությունը, երկրի հարավ-արևելքում ծավալվող հակամարտությունը և կոռուպցիան:
Լրագրողը նկատել է, որ այդ իրավիճակն է՛լ ավելի է սրել ուկրաինական շուկայում ռուսական օղու բացակայությունը, քանի որ Ռուսաստանի հետ առևտրում Պորոշենկոն իր բաժինն ունի՝ ակնարկելով Ռուսաստանի դեմ առևտրային պատժամիջոցներն ընդլայնելու Ուկրաինայի որոշումը, որը ներառում է նաև ռուսական օղու ներկրման արգելքը:
«Ուկրաինացիներն այլևս չեն կարող տեղի խանութներց ձեռք բերել իրենց սիրելի ռուսական օղին: Այդ ամենը վերջ դրեց Պորոշենկոյի նախագահությանը»,- եզրակացրել է Պֆեֆֆերը:
Հիշեցնենք, որ ապրիլի 21-ին կայացել է Ուկրաինայի նախագահական ընտրությունների երկրորդ փուլը, որին մասնակցել են գործող նախագահ Պյոտր Պորոշենկոն և հումորիստ Վլադիմիր Զելենսկին: Քվեների 99,80%-ի հաշվարկի արդյունքում Զելենսկին ստացել է ձայների 73,22%-ը, Պորոշենկոն՝ 24,46%-ը: