Հայաստանի քաղաքացուն ոստիկաններն իջեցրել են օդանավից Մոսկվա-Տյումեն թռիքչի ժամանակ ծխելու համար
Հայաստանի 27-ամյա քաղաքացին, որը ժամանակավորապես բնակկվում է Տյումենի մարզում, տուգանվել է «Մոսկվա-Տյումեն» չվերթն իրականացնող ինքնաթիռում ծխելու համար:
Ինչպես հաղորդում է Уральский меридиан կայքը՝ հղում անելով ՌԴ ՆԳՆ շրջանային վարչությանը, ուղևորի կողմից ծխելու արգելքը խախտելու մասին ազդանշան է ստացվել «Ռոշչինո» օդանավակայանի ոստիկանության բաժնում: Դա տեղի է ունեցել ապրիլի 18-ի առավոտյան:
Անձնակազմը հայտնել է հակահրդեհային ազդանշանների գործարկման, ինչպես նաև ուղևորի մասին, որը ծխելիս է եղել օդանավի զուգարանում: Վայրէջք կատարելուն պես օդանավին մոտեցել են տրանսպորտային ոստիկանության աշխատակիցներն ու կարգազանց ուղևորին տարել բաժանմունք:
Նրա նկատմամբ վարչական իրավախախտման համար տուգանք կսահմանվի, որի չափը կորոշի դատարանը: Ուղևորն իր մեղքն ամբողջությամբ ընդունել է: