«Բելառուսում երկու պետական լեզու կա». Լուկաշենկոն ռուսաց լեզվից հրաժարվելը համեմատել է ողջամտությունը կորցնելու հետ
Բելառուսի նախագահ Ալեքսանդր Լուկաշենկոն խորհրդարանին և ժողովրդին ուղղված ամենամյա ուղերձի ժամանակ անդրադարձել է երկրի ներսում ծավալվող «լեզվական պատերազմին»՝ կոչ անելով այլևս չբարձրացնել ռուսաց լեզվից հրաժարվելու հարցը, գրում է gazeta.ru-ն:
Բելառուսի նախագահը վերահաստատել է երկրում երկու պետական լեզվի գոյությունը՝ ռուսերենի և բելառուսերենի:
«Չէ՞ որ ես խնդրել էի այդ հարցն ընդհանրապես չբարձրացնել, Բելառուսում այդ հարցը փակված է… Մենք ռուսների հետ կողք կողքի պատերազմել ենք, մարդիկ են զոհվել, դա մեր ընդհանուր ձեռքբերումն է»,- ասել է Լուկաշենկոն:
Ըստ նրա՝ հրաժարվել ռուսերենից կնշանակի կորցնել ողջամտությունը, հրաժարվել բելառուսերենից՝ կորցնել սիրտը: