Շտապօգնություն կանչած հիվանդին օգնության է եկել հարբած բժիշկ և հրաժարվել օգնել նրան (տեսանյութ)
ՌԴ Մոսկվայի մարզի Խիմկի քաղաքի սուպերմարկետներից մեկում տարեց գնորդի ինքնազգացողությունը վատացել է, և նրա համար շտապօգնություն են կանչել:
Ինչպես հայտնում է 360tv.ru-ն, ականատեսները զարմացել են, երբ հիվանդ կնոջն օգնության է եկել ոչ սթափ վիճակում գտնվող բժիշկ, որը դժվարությամբ է պահպանել հավասարակշռությունը: Նկատելով, որ իրեն տեսանկարում են հեռախոսներով՝ նա սկսել է սպառնալ տեսանկարողներից մեկին:
«Ուրեմն այսպես, Խիմկիի բոլոր տեսախցիկների առջև ես այժմ կհարվածեմ այս երիտասարդի դեմքին»,- ասել է բժիշկը՝ այդպես էլ օգնություն չցուցաբերելով տարեց կնոջը, ում համար ստիպված են եղել բուժօգնության այլ բրիգադ կանչել:
Այդ ընթացքում Մոսկվայի մարզի առողջապահության նախարարության մամուլի քարտուղարությունը լրագրողներին հայտնել է, որ հաջողվել է պարզել բժշկի ինքնությունը. նա ազատվել է աշխատանքից: