Այսօր՝ 29 մարտի 2024թ., 00:00
Նյարդաբանները ուղեղում մի մեխանիզմ են հայտնաբերել, որը վերահսկում է երաժշտության տակ պարելու ցանկությունը ԱՄՆ առաջին տիկինը երեխաների համար գիրք է գրել իր կատվի մասին Եվրոպայում 11-ից 15 տարեկան գրեթե յուրաքանչյուր վեցերորդ երեխան կիբերհարձակման է ենթարկվում ԱՄՆ-ն 2024 թ. 228 մլն դոլար է հատկացրել Բալթյան երկրներին պաշտպանության համար Ուկրաինան առաջնագծում այժմ լճացման վիճակում է և բացառապես պաշտպանվում է. Զելենսկու գրասենյակ Չեմ բացառում, որ այսօր հնչած հայտարարություններից հետո Արցախի պետական և քաղաքական գործիչների նկատմամբ կսկսվի հետապնդումների նոր ալիք. Սաղաթելյան Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե Կոռուպցիան այսօր իր սարդոստայնով տարածված է ամեն տեղ Երևանում թալանել են հայտնի «Զիգզագ» խանութը. հափշտակել են 5 մլն 500 հազար դրամի բջջային հեռախոս Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ Հայաստանն աշխարհի աչքի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա ԼՂՀ-ն «լուծարելու» փաստաթուղթն անօրինական էր, բայց դա հայրենակիցներին փրկելու միակ միջոցն էր․ Շահրամանյան Մանիպուլյացիա․ Կառավարությունը հարկատուների գումարները տվեց «Վեոլիա Ջուր»-ին, որ հարկատուների համար ջուրը չթանկանա Մեծ Պահք. Ավագ հինգշաբթի. Արարիչը ստեղծեց ձկներին ու թռչուններին ՀՀ-ն 300 հազար դոլարի օգնություն կտրամադրի Ճապոնիային երկրաշարժից տուժածների հումանիտար կարիքների բավարարման համար Հայկ Մարությանը կուսակցություն է հիմնում Արցախը երբևէ Հայաստանի համար վտանգ չի եղել, դա մանիպուլյացիա է իշխանությունը պահելու համար. Արցախի ԱԺ պատգամավորը՝ Փաշինյանի հայտարարության մասին Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190 ՔՊ-ականներն այլեւս առաջվանը չեն. նրանց սիրտը վախ է ընկել 92 մլն եվրո․ կառավարությունը դարձյալ վարկ է վերցնում Որքան են վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար Տավուշի հարցով իշխանությունը պահեստային տարբերակներ է նախատեսել Կոռուպցիայի կանխարգելման հանձնաժողովում քաոս է ՔԿ-ն մտել է դատարան և Մանվել Գրիգորյանի դատավոր դստերը օգնականի վերաբերյալ հարցեր է տվել Սեփական կամքով որոշել է հանձնել Տավուշի բնակավայրերը ՆԳ նախարարը քաղաքական լուրջ վրիպում է թույլ տվել Գուրգեն Արսենյանը ՔՊ-ից նեղացած է 15-օրյա ժամկետում տուգանքը վճարելու դեպքում կկիրառվի 30 տոկոսի նվազեցում. ՆԳՆ Զույգերը, որոնք միասին ալկոհոլ են խմում, ավելի երկար են ապրում միասին Ցուցարարները գոմաղբ են թափել ամերիկացի պաշտոնյաների տների մոտ Պեսկովը պատմել է «Крокус»-ում տեղի ունեցած ահաբեկչությունից հետո Պուտինի անցկացրած անքուն գիշերվա մասին «Լյուկի կափարիչ» փոխելը՝ լուրի թեմա․ Քաղաքացիները ծաղրում են թաղապետարանին Արթուր Աբրահամ․ Պապա ջան, ես քեզ միշտ կկարոտեմ, կհանդիպենք մյուս կյանքում Պատվավոր հյուպատոսների տրանսպորտային միջոցներին հատկացվելու են «H» տառը պարունակող կարմիր հիմնագույնի համարանիշեր Օրվա խորհուրդ Փաշինյանը զարմացել է, որ ժողովուրդն այսքան տարի իրենց հանդուրժում է. «Հրապարակ» Սրանք անցան պլան Բ-ին. Գառնիկ Դանիելյան ՀՀ-ԵՄ-ԱՄՆ հանդիպումը որևէ երրորդ կողմի դեմ ուղղված չէ և չէր էլ կարող լինել. ՀՀ ԱԳՆ-ն՝ Ադրբեջանի հայտարարություններին «Ամիօ բանկ»-ը վերաբրենդավորումից հետո լծվել է ֆիզիկական և իրավաբանական անձանց հարկադիր սնանկացման գործընթացին Օրենքի խախտմամբ աշխատանքից ազատվածներին նախարարությունները 436 մլն դրամ հարկադիր պարապուրդի գումար են վճարել Վարդենյաց լեռնանցքը փակ է կցորդիչով բեռնատարների համար, դժվարանցանելի՝ մյուս տեսակի տրանսպորտային միջոցների Ոսկերչության ոլորտի կասկածելի աճը շարունակում է «բարձր տնտեսական աճ» ապահովել Զախարովան՝ Ուկրաինային ադրբեջանական զենք մատակարարելու մասին՝ նման տեղեկությունները մանրակրկիտ ստուգվում են Իշխանությունների՝ ամեն ինչ օպտիմալացնելու ու կրճատելու սեւեռումը հասել է Դիլիջան Տարածքներ զիջելը դե ֆակտո տարածքային փոփոխությունների է հանգեցնում․ Գևորգ Դանիելյան Մահացել է Արարատ Զուրաբյանի դուստրը Ինչու չի կազմակերպվել Վրաստանի վարչապետի հանդիպումը Կաթողիկոսի հետ Նախկին ԱԱԾ-ականները՝ Զվարթնոցից ռուս սահմանապահներին հանելու մասին «Ճակատագրական չաթը». ինչո՞ւ են հրաժարական տվել 4 դատավորները Թալիբները նախատեսում են քարկոծելով մահապատժի ենթարկել կանանց դավաճանության համար Հետազոտողները վերծանել են ացտեկների տեքստերը, որոնք պատմում են մայրաքաղաքի հիմնադրման և իսպանացիների ներխուժման մասին Գիտնականները արհեստական բանականության կիրառմամբ բարելավել են գարեջրի համը Իտալական լճում «առաջադեմ տեխնոլոգիաներով» կառուցված հնագույն նավակներ են հայտնաբերվել Մենք «Զանգեզուրի միջանցք» տերմինը չենք օգտագործում, այլ` երթուղի, որը Ադրբեջանի արևմտյան շրջանները ՀՀ-ի Սյունիքի մարզով կապում է Նախիջևանի հետ․ Զախարովա Թիվ 130 դպրոցի՝ յուրացումների մեջ մեղադրվող տնօրենն ազատվեց աշխատանքից 29-ամյա երիտասարդը կալանավորվել է դանակով համաքաղաքացու սպանության փորձի և վերջինիս փեսային մարմնական վնասվածքներ հասցնելու մեղադրանքով Փնտրելու կարիք չկա, այդ մարդիկ Տավուշում սպասում են ձեզ. Գառնիկ Դանիելյանը՝ Ալեն Սիմոնյանին 153 մլն ռուբլի. ՌԴ-ում բանկի փոխնախագահին թալանել են սեփական բանկում Ոստիկանության պաշտոնատար անձ կաշառք է ստացել ապօրինի հատված փայտանյութի տեղափոխման դիմաց Crocus City Hall-ը գրավադրվել է Գազպրոմբանկում Ծեծկռտուք Արարատի մարզում՝ համայնքապետարանի աշխատակիցների մասնակցությամբ Crocus City Hall-ը՝ ահաբեկչությունից հետո Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189 Ժխտողականներ Էրդողանն ու Նեթանյահուն ամոթաբար շահարկում են ցեղասպանություն եզրույթը՝ միմյանց մեղադրելու համար․ Սասունյան Ալիևը Փաշինյանին հանդիմանել է Վարդան Օսկանյանը արցախցիների հետվերադարձի վերաբերյալ բանակցություններ է վարում Եվրոպայում և ԱՄՆ-ում Արևմուտքը Փաշինյանին զգուշացնում է Կարևորը արդյունքն է, իսկ այն բացասական է. Պետրակով 2 հարկի վերանորոգման համար ծախսվել է 55 մլն դրամ, իսկ ճանապարհների վրա՝ 0 Հնագետները պատմական բնահողի նմուշներում առաջին անգամ միկրոպլաստիկ են հայտնաբերել ԱԱԾ մեկուսարանը կփակվի, նոր ՔԿՀ է ստեղծվում Ավելի ու ավելի ենք մոտենում այն կետին, որտեղ կործանարար քաոսն անխուսափելի է․․․ Մհեր Մելքոնյան Մահացել է Արթուր Աբրահամի հայրը Ներքին խմբում գրված հայհոյանքները հավանելու դնելու համար դատավորը հեռացավ համակարգից Կտրականապես դեմ ենք Կոնսերվատորիան այլ ԲՈւՀ-ի հետ միավորելուն. ԿԳՄՍՆ-ին դիմում է փոխանցվել «Զանգեր»-ի մոտակայքում ձյան և մերկասառույցի պատճառով բեռնատարներ էին արգելափակվել, օգնության են հասել փրկարարները Crocus City Hall-ում տեղի ունեցած ահաբեկչության գործով ձերբակալվածների ցուցմունքները հաստատել են ուկրաինական հետքը Թուրքական լրատվամիջոցները մանրամասներ են հայտնել «Crocus»-ի ահաբեկչության մեջ մեղադրվողների՝ Ստամբուլում գտնվելու մասին Արդյոք Գուրգեն Արսենյանը վայր կդնի մանդատը Լեմկինի ինստիտուտը հանրությանը կոչ է արել համոզել Ալիևի ռեժիմին ազատ արձակել հայ ռազմագերիներին
Հարցում

27 մանկապարտեզ է փակվել Մալաթիայում, Դավթաշենում և Աջափնյակում (տեսանյութ)

Երևանում փակված մանկապարտեզների թեման «Հետք»-ի ուշադրության կենտրոնում է: Այս անգամ կներկայացնենք Մալաթիա-Սեբաստիա, Աջափնյակ և Դավթաշեն վարչական շրջաններում փակված մանկապարտեզների պատմությունը:

Այս վարչական շրջաններում մանկապարտեզների տարածքների տնօրինող են դարձել ԱԺ նախկին պատգամավար Սամվել Ալեքսանյանը, Երևանի նախկին փոխքաղաքապետ Կամո Արեյանը, որն այժմ գործող քաղաքապետ Հայկ Մարությանի խորհրդականն է, Աջափնյակի թաղապետարանի նախկին պաշտոնյա Աշոտ Նահապետյանը, նախկին գլխավոր դատախազի՝ Աղվան Հովսեփյանի մտերիմը և այլք:

Բացի այդ, մանկապարտեզների շատ տարածքներ այսօր վերածվել են բնակֆոնդի, մեկում ՊԵԿ գրասենյակ է, մյուսում դատախազության ստորաբաժանում և այլն: Ընդհանուր առմամբ այս վարչական շրջաններում փակվել է 2 տասնյակից ավելի մանկապարտեզ, որոնցից 2-ը գերատեսչական են եղել, մյուսները՝ համայնքային:

Մալաթիա-Սեբաստիա վարչական շրջան

Չնայած Մալաթիա-Սեբաստիա վարչական շրջանում մեկ տասնյակի հասնող փակված մանկապարտեզ կա, սակայն վարչական շրջանից մեր հարցումներին ի պատասխան՝ հայտնել են միայն երկուսի մասին: Նույնաբովանդակ պատասխան ենք ստացել թե՛ նախորդ, թե՛ գործող քաղաքային իշխանության ներկայացուցիչներից ստացված հարցման պատախաններում: Տրամադրել են ընդամենը Վերոնիկա Գևորգյանի անվան «Սեբաստիա» և թիվ 304 մանկապարտեզի փակման որոշումները: Մեզ հաջողվեց պարզել վարչական շրջանում փակված մանկապարտեզների իրական թիվը, որը հասնում է 1 տասնյակի: 2019 թ.-ի փետրվարի տվյալներով՝ Մալաթիա-Սեբաստիա վարչական շրջանի նախադպրոցական ուսումնական հաստատություններում հերթագրված է 1170 երեխա:

«Վերոնիկայի» մանկապարտեզ- «Ալեքսանյանների ընտանիք» ՀԿ

Այս մանկապարտեզը հայտնի էր դեռ խորհրդային տարիներից և համարվել է լավագույններից մեկը՝ թե՛ շենքային, թե՛ կրթական չափորոշիչներով: Մանկապարտեզի տարածքը 3975,7 քմ է, բակային տարածքում կան լողավազան, սրճարան, հացատուն և կաթսայատուն: 2009 թվականին մանկապարտեզի տարածքն անհատույց օգտագործման իրավունքով 50 տարով տրվել է ԱԺ նախկին պատգամավոր Սամվել Ալեքսանյանի ընտանիքին պատկանող «Ալեքսանյանների ընտանիք» բարեգործական ՀԿ-ին:

 

Ձեռք բերողը պարտավորվել է մանկապարտեզն ապահովել գույքով և սարքավորումներով, հոգալ հաճախող երեխաների սննդի, հանգստի ծախսերը, ապահովել երեխաների ներդաշնակ զարգացումն ու դաստիարակությունը, առողջության ամրապնդումն ու խնամքը, լուծել մանկապարտեզի աշխատակիցների աշխատավարձի խնդիրը: Գույքը ստանալուց հետո կազմակերպության տնօրենի դիմումի հիման վրա դադարեցվում է մանկապարտեզի լիցենզիան: 10 տարի է անցել մանկապարտեզը վերագործարկելու ծրագրից, սակայն մեր այցելության ժամանակ մանկապարտեզի դռները կողպված էին, շենք-շինությունները՝ կիսավեր:

Թիվ 304 մանկապարտեզ- գազի գրասենյակ, արտադրական տարածք, բնակֆոնդ և նախակրթարան

Անդրանիկի փողոցում՝ «Բ2» թաղամասում, գտնվող թիվ 304 մանկապարտեզը, 2004 թ.-ին փակվել է, իսկ շենքը վաճառվել է «Ա. Խալաթյան վարժարան» ՍՊԸ-ին: Գնորդը պարտավորվել է մանկապարտեզը շահագործեր և կրթահամալիր ստեղծել: Ընդամենը 30 միլիոն դրամ գնահատված մանկապարտեզի ձեռքբերման տարում ընկերությունը պետք է 23 հազար ԱՄՆ դոլարի չափով ներդրում կատարեր: Այսօր մանկապարտեզի շենքում գործում է «Պրոգրես» զարգացման կենտրոնը, «Գազպրոմ Արմենիա» ընկերության գրասենյակը, դռներ և պատուհանների արտադրամաս, իսկ մի մասում բնակարաններ են: Կարող ենք արձանագրել, որ գնորդը՝ «Ա. Խալաթյան վարժարան» ՍՊԸ-ն, չի կատարել մանկապարտեզը գործարկելու իր պարտավորությունը:

Մանկապարտեզները՝ «Սեբաստացի կրթահամալիրի» դպրոց-պարտեզներ

Պարզվում է՝ Մխիթար Սեբաստացի կրթահամալիրի տարածքի մի մասում ևս ժամանակին համայնքային մանկապարտեզներ են գործել: Այսօր համայնքային նախկին մանկապարտեզների տարածքներում կրթահամալիրի դպրոց-մանկապարտեզներն են գործում: Ուշագրավն այն է, որ Մալաթիա-Սեբաստիա վարչական շրջանից մեր հարցմանն ի պատասխան՝ հայտնել են, որ Մխիթար Սեբաստացի կրթահամալիրին տրված տարածքի վերաբերյալ տեղեկությունները վարչական շրջանի ղեկավարի արխիվում բացակայում են: Լուծարված մանկապարտեզների և դրանց տարածքները Սեբաստացի կրթահամալիրին տրամադրելու վերաբերյալ մեր ունեցած տեղեկությունները ճշտեցինք կրթահամալիրի գործադիր տնօրեն Աշոտ Բլեյանից:

Երևանի Շահումյանի շրջանի թիվ 119 մանկապարտեզը ՀԽՍՀ լուավորության նախարարի 1988 թ. մարտի 28-ի N 33-Մ հրամանով հանձնվել է Երևանի թիվ 183 միջնակարգ դպրոցի ենթակայությանը՝ որպես դպրոց-մանկապարտեզ փորձարարական կազմակերպություն: Այս դպրոցի բազայի վրա էլ ստեղծվել է Սեբաստացի կրթահամալիրը:

Երևանի Շահումյանի շրջանի թիվ 11 և 295 մանկապարտեզները Երևանի քաղաքային խորհրդի գործկոմի կոմիտեի թիվ 923 կարգադրությամբ 02.08.1992 թվականին հանձնվել են Մխիթար Սեբաստացի կրթահամալիրի տնօրինմանը:

Այդ ժամանակ Աշոտ Բլեյանը Երևանի քաղաքային խորհրդի գործկոմի նախագահի տեղակալն էր։

Թիվ 11 նախկին մանկապարտեզը կրթահամալիրի Արևելյան դպրոց-պարտեզն է, իսկ նախկին 295 մանկապարտեզը կրթահամալիրի Արևելյան դպրոց-պարտեզն է:

Համայնքային փակված մանկապարտեզներից և Սեբաստացի կրթահամալիրին հանձնված մանկապարտեզներից է Երևանի Շահումյանի շրջանի թիվ 309 մանկապարտեզը: Այն 04.10.1994 թվականի թիվ 472 որոշմամբ հանձնվել է Երևանի Մխիթար Սեբաստացի կրթահամալիրի ենթակայությանը: Այդ ժամանակ Աշոտ Բլեյանը նախ լուսավորության նախարարի պաշտոնակատարն էր, ապա՝ ԿԳՆ առաջին փոխնախարարը: Նախկին 309 մանկապարտեզն այսօր կրթահամալիրի քոլեջն է:

 Երևանի գունավոր տպարանի գերատեսչական մանկապարտեզը այժմ կրթահամալիրի Հարավային դպրոց-պարտեզն է: Ընդհանուր առմամբ, կրթահամալիրին փոխանցվել է 5 մանկապարտեզի տարածք, որոնցից մեկը գերատեսչական է եղել, մյուսները՝ համայնքային: Նշված մանկապարտեզների շենքերն այսօր պատկանում են ՀՀ-ին՝ գտնվում են Պետական գույքի կառավարման կոմիտեի հաշվեկշռում:

Մանկապարտեզը՝ հարկային տեսչություն

Թիվ 97 մանկապարտեզի հարևանությամբ, նախկին համայնքային մանկապարտեզի տարածքում գործունեություն է ծավալում Մալաթիա-Սեբաստիայի հարկային տեսչությունը: Շենքը երկհարկանի է, տարածքից առանձնացված է ցանկապատով: Երեք մասնաշենք ունեցող մանկապարտեզի մի մասում հարկային տեսչությունն է, մի մասը անմխիթար վիճակում է, իսկ երրորդը՝ բնակֆոնդ է:

Բնակֆոնդ, կիսախարխուլ շենք, խմբակներ և այլն

Մալաթիա-Սեբաստիա վարչական շրջանի Անդրանիկի փողոցում՝ Հարկային տեսչության հարևանությամբ, ևս մեկ մանկապարտեզ է գործել, որը վաղուց վերածվել է բնակֆոնդի: Երեք մասնաշենք ունեցող մանկապարտեզի տարածքը խիտ բնակեցված է, ջանքեր էին պահանջվում հասկանալ՝ տեղում մանկապարտեզ եղել է, թե ոչ:

Օհանովի փողոցում՝ թիվ 97 մանկապարտեզի հարևանությամբ, նույնպես մանկապարտեզ է գործել: Այսօր ամբողջ շենքի փոքր մասն է գործում, սակայն ոչ որպես մանկապարտեզ, այլ երեխաների զարգացման ծրագրեր են իրականցվում այնտեղ:


Փակված 304 մանկապարտեզից ոչ հեռու գտնվում է քաղաքապետարանի ենթակայության տակ գործող թիվ 87 մանկապարտեզը: Այս մանկապարտեզի տարածքի մեծ մասը չի օգտագործվում, անբարեկարգ է: Ընդարձակ շենք ու բակային տարածք ունեցող մանկապարտեզն ընդամենը 3 խումբ ունի: Մեր այցելության ժամանակ արձանագրեցինք, որ շենքի մեծ մասը անմխիթար վիճակում է:

Աջափնյակ վարչական շրջան

2019 թ.-ի փետրվարի տվյալներով՝ Աջափնյակ վարչական շրջանի ՆՈՒՀ-եր հախաճելու համար հերթագրված երեխաների թիվը 577 է: Մինչ Աջափնյակ վարչական շրջանում փակված համայնքային մանկապարտեզներին անդրադառնալը, ներկայացնենք Ֆիզիկայի ինստիտուտին պատկանած մանկապարտեզի պատմությունը:

Մանկապարտեզը՝ Աղվան Հովսեփյանի մտերիմի սեփականությունը

Ալիխանյան եղբայրների անունը կրող փողոցի վերջնամասում՝ Հրազդան գետի բարձունքում, գործել է Ֆիզիկայի ինստիտուտի մանկապարտեզը: Առանձին շենքեր ունեցող մանկապարտեզի բակային տարածքը ծառապատ է նաև այսօր, սակայն դարպասները կողպված են: Կառավարությունը 2004 թվականին որոշել էր մանկապարտեզի գույքն աճուրդով վաճառել: Նվազագույն գինը սահմանվել է 150 միլիոն դրամ: 1363.4 քմ տարածք զբաղեցնող մսուր-մանկապարտեզային համալիրը 2005 թ.-ին 152 միլիոն դրամով վաճառվել է «Շանթ պլյուս» ՍՊԸ-ին: Այս ընկերությունը պատկանում էր Մանվել և Վարշամ Ղարիբյան եղբայրներին: Նրանք 2000-ականներին նախկին գլխավոր դատախազ Աղվան Հովսեփյանի պատճառով տարաձայնություններ են ունեցել և գժտվել: Նրանցից Վարշամ Ղարիբյանը համարվում է Հովսեփյանի հովանավորյալը:

Մանկապարտեզի տարածքի մի մասը՝ Կամո Արեյանի ՀԿ-ին

Էստոնական 12 հասցեում գործել է թիվ 191 մանկապարտեզը, որը փակվել է 1998 թ.-ին: Մանկապարտեզի տարածքը պարսպապատ է, դարպասներ են տեղադրված: Մանկապարտեզի շենքի մի մասը բնակֆոնդ է, մարդիկ են ապրում, իսկ մյուս մասում տեղակայվել է «Տարոն Սասուն» ՀԿ-ն: Մինչև վերջերս տարածքում էր գտնվում նաև Սոցիալական ապահովության ծառայության տարածքային կառույցը: Երևանի ավագանին «Տարոն Սասուն» ՀԿ-ին մանկապարտեզի տարածքից 2015 թ.-ին 1000 քմ տարածք է հատկացրել անհատույց, մինչև 2025 թ.-ը: Տարածքը ստանալու ժամանակ ՀԿ-ի նախագահը Երևանի փոխքաղաքապետն էր՝ Կամո Արեյանը: Այսօր նա քաղաքապետ Հայկ Մարությանի խորհրդականն է: 2012 թ.-ին էլ Երևանի ավագանին մանկապարտեզի տարածքի մի մասը նվիրաբերել է մի շարք անձանց, որոնք բնակարաններ չեն ունեցել:

Մանկապարտեզի տեղում՝ ավտոմեքենաների նորոգման կետ և գրադարան

Թիվ 232 մանկապարտեզը լուծարվել է 98 թվականին: Մանկապարտեզի տարածքի մի մասը դարձել է համայնքային գրադարան, ցանկապատվել է և բարեկարգվել: Մյուս մասը նորոգված չէ և տեղում ավտոսպասարկման կենտրոն է գործում: Մանկապարտեզի երկու մասնաշենքն այսօր ծառայում է գրադարանին, իսկ մեկը մասնավոր տարածք է: Մասնավորեցված տարածքում այժմ գործում է ավտոսպասարկման կենտրոն: Այն պատկանում է Աջափնյակ վարչական շրջանի աշխատակազմի նախկին քարտուղար (2011 թ.), ՀՀԿ Աջափնյակի սկզբնական կազմակերպություններից մեկի ղեկավար Աշոտ Նահապետյանին և նրա կնոջը: Մասնաշենքը նրանց սեփականությունն է դարձել 2013 թ.-ին: Պարզվում է, որ տվյալ տարածքի համար տարիներ շարունակ գույքահարկ չի վճարվել: Քաղաքապետարանի տվյալներով՝ գույքահարկի պարտքը 365 հազար դրամ է:

Մանկապարտեզը՝ նախակրթարան և դատախազության ստորաբաժանում

Թիվ 157 մանկապարտեզը փակվել է 1998 թ.-ին: Մանկապարտեզի մի մասնաշենքում տեղակայված է դատախազության ստորաբաժանումը, մյուս և հիմնական մասում՝ «Շահամիրյան կրթահամալիրը»: Գլխավոր դատախազությունից մեր հարցմանն ի պատասխան՝ հայտնել են, որ Լենինգրադյան 4 ա հասցեում գտնվող Աջափնյակ և Դավթաշեն վարչական շրջանների դատախազության շենքը գտնվում է դատախազության հաշվեկշռում: Տարածքը դատախազությանն է փոխանցվել Անշարժ գույքի կադաստրի կոմիտեի 2011 թվականին տրված գույքի նկատմամբ իրավունքների պետական վկայականով: «Շահամիրյան կրթահամալիրի» տարածքի սեփականատերը կրթահամալիրի հիմնադիր Գագիկ Մելքումյանն էր, իսկ 2010 թ.-ից՝ նրա ընտանիքի անդամները:

Մանկապարտեզները՝ բնակֆոնդ, արտադրական տարածք

Աջափնյակ վարչական շրջանի Լուկաշին թաղամասի թիվ 95 մանկապարտեզի տարածքները հատկացվել են ազատամարտիկների ընտանիքներին:

Շիրազի փողոցին հարող թիվ 103 մանկապարտեզը փակվելուց հետո դարձել է բնակֆոնդ, տարածքը պարսպապատվել է: Այս մանկապարտեզի բնակարաններից երկուսը (1, 2), օրինակ, մասնավորեցնելու ժամանակ գնել է Արմավիրի մարզպետարանում երկար ժամանակ կրթության վարչության պետ աշխատած ՀՀԿ-ական Գայանե Սայադյանի հայրը՝ Հայրապետ Սայադյանը: Նա թաղապետարանից առնվազն երկու բնակարան գնել և ամիսներ անց վաճառել է՝ փաստացի համարվելով առաջին ձեռք բերողը:

Նորաշեն թաղամասի թիվ 207 մանկապարտեզի ճակատագիրը նույնն է: Փակվելուց հետո վաճառվել է անհատների, և մանկապարտեզի շենքը վերածվել է բնակելի շենքի: Այս թաղամասում ևս 2 մանկապարտեզ է փակվել, որոնցից մեկը դարձել է գեղարվեստի դպրոց և պատկանում է համայնքին: Մյուսի տարածքը պարսպապատ է, իսկ շենքում գործունեություն է ծավալում «Գովելլի» ոսկերչական ընկերությունը: Ընկերության հիմնադիրն ու միակ բաժնետերը Յուրի Հովհաննիսյանն է:

Մազմանյան փողոցում գործած թիվ 148 մանկապարտեզը նույնպես բնակելի շենքի է վերածվել: Նույն պատկերն է Նազարբեկյան փողոցի մանկապարտեզի դեպքում՝ երկհարկանի շենքն ամբողջությամբ բնակեցված է: Այդ մանկապարտեզի տարածքում 90-ականներին բնակվել են փախստականները:

Թիվ 229 մանկապարտեզի տեղում այսօր գործում է «Երևանի Աջափնյակ թաղային համայնքի երեխաների սոցիալական հոգածության կենտրոն»-ը:

Դավթաշեն վարչական շրջան

Մարտի 12-ի դրությամբ Դավթաշեն վարչական շրջանի գործող 5 նախադպրոցական ուսումնական հաստատություններ հաճախելու համար հերթագրված է 377 երեխա: Դավթաշեն վարչական շրջանում փակվել է 5 մանկապարտեզ, որոնցից միայն մեկը բնակելի չէ, մյուսներն ամբողջությամբ բնակելի են: Ոչ բնակելի մանկապարտեզի տեղում Դավթաշեն վարչական շրջանի ղեկավարի աշխատակազմի վարչական շենքն է գտնվում: Շենքի մի հատվածը վաճառվել և վերածվել է գրասենյակային տարածքների:

Մանկապարտեզները՝ բնակֆոնդ

Դավթաշեն վարչական շրջանի 1-ին թաղամասում փակված թիվ 78 մանկապարտեզի ամբողջ տարածքը բնակելի է: 2-րդ թաղամասում փակվել և բնակֆոնդի են վերածվել թիվ 67 և 47 մանկապարտեզները: 4-րդ թաղամասում փակվել է թիվ 201 մանկապարտեզը, տարածքը պարսպով առանձնացվել է, իսկ շենքը՝ ամբողջությամբ բնակեցվել:

hetq.am

Հետևեք մեզ Telegram-ում
website by Sargssyan