Ուկրաինային կարող են զրկել «Եվրատեսիլ-2017» մրցույթն անցկացնելու իրավունքից
Եվրոպական հեռարձակողների միությունը կարող է զրկել Ուկրաինային «Եվրատեսիլ-2017» երգի համաեվրոպական մրցույթն անցկացնելու իրավունքից, եթե Կիևը ՌԴ ներկայացուցիչ Յուլիա Սամոյլովային մասնակցելու հանարավորություն չընձեռի:
Ինչպես փոխանցում է Gazeta.ru-ն, երաժշտական մրցույթը հյուրընկալող երկրի վարքը Եվրոպական հեռարձակողների միության տնօրեն Ինգրիդ Դելտենրեն «անընդունելի» է անվանել:
Հիշեցնենք, որ Ուկրաինայի Անվտանգության ծառայությունն արգելել է Սամոյլովային մուտք գործել երկիր, քանի որ վերջինս համերգով հանդես է եկել Ղրիմում, ուր մեկնել է անմիջապես Մոսկվայից`առանց Ուկրաինա այցելելու:
«Ուկրաինայի նման վարքագիծը բացառապես անընդունելի է», - շվեյցարական գերմանալեզու պարբերականին հայտնել է Եվրոպական հեռարձակողների միության գլխավոր տնօրենը: