Սաակաշվիլին պատրաստ է եղել հանուն Վրաստանի տարածքային ամբողջականության հրաժարվել ՆԱՏՕ-ին անդամակցությունից
![](/timthumb.php?src=/disc/03-04-19/3bcc87ada6663d418ebcf93fa215e139.jpg&w=708)
Վրաստանի նախկին նախագահ Միխեիլ Սաակաշվիլին հանուն երկրի տարածքային ամբողջականության պատրաստ է եղել հրաժարվել ՆԱՏՕ-ին անդամակցությունից և երկրի տարածքում թողնել ռուսական բազաները, գրում է apsny.ge կայքը:
«Ռուսթավի 2» հեռուստաընկերության գլխավոր տնօրենը Բրյուսելում հարցազրույց է վերցրել նախկին նախագահից, որի ժամանակ վերջինիս հիշեցրել է Սաակաշվիլիի՝ տարիներ առաջ արած հայտարարությունն այն մասին, թե ինքը պատրաստ է հրաժարվել ՆԱՏՕ-ից և թույլ տալ, որ ռուսական բազաները մնան Վրաստանի տարածքում, միայն թե ռուսական կողմը վերադարձնի իրենց տարածքները:
«Այո, ինձ համար ամենակարևորը երկիրն է… Ռուսները Վրաստանում էին, և նրանց վտարելն անհնարին էր, դրա համար էլ նման առաջարկ արեցինք»,- ասել է Սաակաշվիլին:
Զրուցակցի այն հարցին, թե արդյոք 2008թ.-ի օգոստոսին Վրաստանն էր սկսել պատերազմը՝ գնդակահարելով Ցխինվալը (Հարավային Օսիայի մայրաքաղաքը – Tert.am), Սաակաշվիլին պատասխանել է, թե դա «մեծագույն հիմարություն» է: Նա նշել է, որ քաղաքում մարդ չկար, «ի՞նչը գնդակահարեինք»՝ հավելելով, որ դա էլ ապացուցում է այն փաստը, որ Ռուսաստանը մինչ այդ Ցխինվալի շրջանում բնակչության զանգվածային տարհանում էր իրականացրել: