Սերբիայում լայնածավալ բողոքի ակցիաներ են
Սերբիայում վերսկսվել են նախագահ Ալեքսանդր Վուչիչի հրաժարականի պահանջով զանգվածային ցույցերը:
Հազարավոր սերբեր Վուչիչին մեղադրում են դիկտատորական գործելաոճի համար և պնդում են, որ մամուլը միակողմանի է լուսաբանում բողոքի ակցիաները:
Երեկ խոշոր ցույցեր և հանրահավաքներ են տեղի ունեցել ոչ միայն մայրաքաղաք Բելգրադում, այլև Սերբիայի մի շարք այլ քաղաքներում:
Հազարավոր ցուցարարներ հավաքվել են Սերբիայի ռադիոյի և հեռուստատեսության կենտրոնակայանի մոտ և պահանջել են անաչառ ակցիաների լուսաբանում:
Աջակողմյան քաղաքական լիդեր Բոսկո Օբրադովիչի ղեկավարած մի խումբ մարտի 16-ին ներխուժել է ՌՏՍ պետական ռադիոյի և հեռուստատեսության շենք և պահանջել է տալ հանրությանն ուղիղ եթերում ուղերձով դիմելու հնարավորություն:
Պահանջը մերժվել է, և ոստիկանները կարողացել են դուրս հանել ցուցարարներին շենքից: Առնվազն 18 մարդ ձերբակալվել է:
Ցուցարարների մեծ մասը պահաջում է Վուչիչի հրաժարականը, մամուլի ազատություն և արտահերթ ընտրություններ:
Սակայն այդ շարժումը միատարր չէ, ակտիվիստների թվում են երեք տասնյակ տարբեր խմբավորումների ներկայացուցիչներ:
Դրա հետևանքով, ըստ վերլուծաբանների, շարժումը դեռ չունի հաջողության հասնելու լուրջ հնարավորություն: