ԱՄՆ-ի սատանայական խամաճիկը ցանկանում է ինձ սպանել. Մադուրո
Շաբաթ Վենեսուելայի նախագահ Նիկոլաս Մադուրոն մեղադրել է ԱՄՆ-ին եւ ընդդիմության առաջնորդ ու իրեն անօրինաբար նախագահ հռչակած Խուան Գուայդոյին իր սպանության ծրագիրը նախապատրաստելու մեջ, հաղորդում է ՌԻԱ Նովոստի-ն՝ հղում կատարելով տեղական հեռուստատեսությամբ Վենեսուելայի նախագահի ելույթին:
«Ամերիկյան իմպերիալիզմը ցանկանում է սպանել ինձ: Մենք բացահայտել ենք ծրագիրը, որը սատանայական խամաճիկը ղեկավարում էր անձամբ ինձ սպանելու նպատակով: Մենք ապացույցներ ունենք, որ նրանք չեն կարողացել եւ չեն կարողանա հաղթել մեզ, քանի որ մենք պաշտպանված ենք մեր աստծո կողմից»,-հայտարարել է Մադուրոն իր կողմնակիցների առջեւ ելույթի ունենալիս:
«Սատանայական խամաճիկ» ասելով՝ նա նկատի ուներ Գուայդոյին: