Վլադիմիր Պուտինի գործունեությանը հավանություն է տալիս ՌԴ քաղաքացիների 65.3 տոկոսը. հարցում
Ռուսների մեծամասնությունը (65,3%) հավանություն է տալիս երկրի նախագահ Վլադիմիր Պուտինի գործունեությանը: РИА Новости-ի փոխանցմամբ՝ այս մասին վկայում են Հասարակական կարծիքի ուսումնասիրման համառուսական կենտրոնի անցկացրած հարցման արդյունքները:
Հարցման տվյալներով՝ կառավարության գործունեությանը հավանություն է տալիս հարցվածների 41 տոկոսը, իսկ վարչապետի գործունեությանը՝ 38 տոկոսը: Միևնույն ժամանակ կառավարության և դրա ղեկավարի գործունեությանը հավանություն չի տալիս հարցման մասնակիցների 47.1 տոկոսը:
Պատասխանելով հարցին, թե ում կվստահեին կարևորագույն պետական հարցերի որոշումը, ՌԴ քաղաքացիները հիմնականում նշել են Պուտինի անունը: Նրան վստահում է քաղաքացիների 33.4 տոկոսը: Երկրորդ տեղում է պաշտպանության նախարար Սերգեյ Շոյգուն (14,7%), իսկ երրորդ տեղում՝ արտգործնախարար Սերգեյ Լավրովը (11,7%):