Թերեզա Մեյը Brexit-ի հետաձգման հարցում մեղադրել է բրիտանացի պատգամավորներին
Մեծ Բրիտանիայի վարչապետ Թերեզա Մեյը խորապես ցավում է Brexit-ի հետաձգման առնչությամբ և այդ հարցում մեղադրում է բրիտանացի պատգամավորներին, որոնք երկու անգամ մերժեցին Եվրամիությունից դուրս գալու պայմանների վերաբերյալ համաձայնագրի նախագիծը: Այդ մասին Մեյն ասել է հեռուստաուղերձում, հաղորդում է ТАСС-ը:
Աղբյուրի փոխանցմամբ` Մեյը նշել է, որ «ինքը պատրաստ չէ հետաձգել Brexit-ն ավելի, քան մինչև հունիսի 30-ը»:
Նա կրկին դիմել է պատգամավորներին` կոչ անելով աջակցել գործարքը: «Մինչ օրս խորհրդարանն արել է ամեն ինչ` խուսափելու ընտրություն կատարելուց: Քվեարկության է դրվել նախագծի մի քանի փոփոխված տարբերակ, սակայն խորհրդարանն այդպես չի կողմնորոշվել: Պատգամավորները հայտարարել են միայն, որ իրենք չեն ուզում…»,- ընդգծել է Մեծ Բրիտանիայի վարչապետը` հույս հայտնելով, որ, ի վերջո, խորհրդարանը համաձայնագրին աջակցելու որոշում կկայացնի:
Մեյը կրկին հայտարարել է, որ դեմ է Brexit-ի հարցով երկրորդ անգամ հանրաքվե անցկացնելու գաղափարին, որն առաջ է քաշել ընդդիմադիր Լեյբորիստական կուսակցությունը: