1USD = AMD
1EUR = AMD
1RUB = AMD
Այսօր՝ 18 հուլիսի 2019թ., 00:00
Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք Իջևանցիները փորձել են կոտրել Փաշինյանի արձանը Որևէ մեկը շանտաժով չի կարող խոսել կառավարության հետ. վարչապետը՝ Իջևանում ստեղծված իրավիճակի մասին Այդ խուզարկությունը շատ հարցեր է առաջ քաշում․ Վիկտոր Սողոմոնյան «Խմած միլիցեքն եկել են ու բախումն սկսվել է». ձերբակալվածների հարազատները բողոքում են ԲԴԽ նիստն ընթանում է դռնփակ. Նախշուն Տավարացյանի միջնորդությունը մերժվեց «36 հոգի պետք է բերման ենթարկեին, մյուսներն ո՞ւր են». Փաշինյանը՝ Իջեւանի դեպքերի մասին Նոր Զելանդիայում ոստիկանությունը սուշի բար ներխուժած 2 պինգվինի է «ձերբակալել» ԱՄՆ Կոնգրեսի Ներկայացուցիչների պալատը մերժել է Թրամփի իմփիչմենթն սկսելու բանաձեւը ԱՄՆ-ն պատրաստ է բանակցություններ սկսել Իրանի հետ. պետքարտուղար Հարցազրույց, որը միայն հարցեր եւ մտահոգություններ առաջացրեց Լույսի անջատման հետևանքով ամուսնացող զույգը «Տեր եմ» խոսքերն արտաբերել է հյուրերի հեռախոսների լույսի ներքո (լուսանկարներ) Արտարժույթների փոխարժեքներն՝ այսօր Թուրքիայի դեմ ԱՄՆ պատժամիջոցները կարող են ձեռնտու լինել Պուտինին ՆԱՏՕ երկրներից ոչ մեկը կողմ չի եղել՝ Ս-400-ների հետ կապված, Թուրքիան դաշինքից հանելուն. Սթոլտենբերգ Զիլինա խաղացող Նիկոլ Փաշինյանին ասեք, որ նա է պատասխանատու երկրում օրեցօր խորացող խնդիրների համար ԱՄՀ-ն կարծում է, որ դոլարի փոխարժեքը բարձր է 6-12%-ով «Ա'յ ախպեր,դու խիղճ ունե՞ս.Շոգը մի կողմից հիմա էլ քո ստերը». Էդուարդ Շարմազանով. Ռուսաստանի, Վրաստանի, Հայաստանի եւ Իրանի էներգացանցերի միավորումը կարելի է ավարտել 2-3 տարում. Ավինյան Հանուն ինչի՞ կամ հանուն միայն ու՞մ արվեց հեղափոխությունը... ՄԻՊ-ի որոշմամբ` հատուկ հանձնարարությամբ աշխատանքային խումբ է գործուղվել Իջեւան «Ռուսաստանը վստահում է Ռոբերտ Քոչարյանին և Գագիկ Ծառուկյանին, չի վստահում վարչապետ Փաշինյանին». քաղաքագիտության դոկտոր Ա. Կոնաչալով Նիկոլ Փաշինյանը պատրաստվում է պատժել իջեւանցիներին ՀՀ ոստիկանապետի հարցազրույցը Իջևանի դեպքերի մասին (տեսանյութ) Իջևանի անկարգությունների դեպքով 13 անձ ձերբակալվել է, 6-ը ստորագրությամբ ազատ են արձակվել 22 հազար շիշ շամպայն. Ուիմբլդոնի մրցաշարի ուշագրավ վիճակագրությունը Իլոն Մասկը մտքերը կարդացող սարք է ներկայացրել Փոփոխություններ մեքենաների տեխզննման գործընթացում «Խորովածի համահայկական փառատոն» այս տարի չի լինի. Սեդրակ Մամուլյան Սիրիայում հայ կնոջը քարկոծելով սպանել են «Ինչո՞ւ թալանչիները բանտում չեն»․ Փաշինյանը պատասխանում է այս մեղադրանքին Կարեն Ավագյանի «Հայաստանի երիտասարդական հիմնադրամը» լուծարվում է Ճոխ «պրեմիա». Ում է հասել պարգեւավճարների առյուծի բաժինը Իշխանափոխությունից մեկ տարի անց կառավարությունը նվազեցնում է տնտեսական աճի ակնկալիքները Արարատ Միրզոյանի ԱՄՆ այցը բյուջեի վրա կնստի 60 հազար դոլարից ավելի Վեթինգի նպատակը փոխվեց. ինչ որոշում է կայացրել վարչապետը «Դա դատարան չէ». Ով կդառնա Երեւանի ընդհանուր իրավասության դատարանի նախագահ. Երկու անուն է շրջանառվում ԵՊՀ-ն ծառայեցնում են իշխանությանը. «այլախոհ» դասախոսները ամեն կերպ «բլոկադայի» են ենթարկվում Ցուցարարների որևէ անօրինական պահանջ չի կատարվել. Տավուշի մարզպետ Բումերանգի էֆեկտը Փաշինյանը դժգոհել է օրենսդիրների «վոյաժների» հրավառությունից. Նա հրահանգ է իջեցրել Ժողովրդի ճանապարհն է, կուզեն կփակեն, կուզեն կբացեն Քննիչը դատի է տվել Մեղրիի նախկին քաղաքապետին Հովիկ Աբրահամյանը մեկնել է Մոնակո եւ տանուլ տվել 9,5 մլն դոլար Եթե փոխելու են ՍԴ կազմը, վարչապետն ու նախագահը նույնպես պետք է փոխվեն Հայերենը հայտնվել է Ռուսաստանում գործածվող լեզուների առաջին տասնյակում Հրեաները ներողություն են խնդրել հայերից` Երուսաղեմում ծեծկռտուք սարքելու համար Իջևանում տեղի ունեցած բախումներից հետո ահազանգեր են ներկայացվել Մարդու իրավունքների պաշտպանի աշխատակազմի թեժ գծին Գարիկ Մարտիրոսյանը իտալական լողափում հայկական դրոշ է «նկատել» (լուսանկար) Իջևանում տեղի ունեցած բախումների հետևանքով հիվանդանոց է տեղափոխվել 13 ոստիկան. Նախարարը մանրամասներ է հայտնել Իջևանցիները բացել են ճանապարհը․ նրանց պահանջները մարզպետը խոստացել է կատարել Դատավորների տասնյակ թափուր տեղեր ունենք, բայց ոչ մեկ չի ուզում գալ աշխատել 400.000 դրամ աշխատավարձով. Փաշինյան Մ19 Եվրո-2019․ Հայաստանի հավաքականը 4 գոլ ընդունեց նաև Իտալիայից Իջևանում բախումներ են եղել ցուցարարների և ոստիկանության միջև. երկու կողմից տուժածներ կան Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու Եվրահանձնաժողովը Amazon-ի նկատմամբ հակամոնոպոլ հետաքննություն է սկսել Ադրբեջանական գազը Եվրոպա կհասնի Թուրքիայի տարածքով «Ռուսական շուկան փոխարինելը հեշտ գործ չէ ոչ եվրոպացիների և ոչ էլ նույնիսկ մեզ համար». Իվանիշվիլի ԱՄՆ-ը պատասխան միջոցներով սպառնում է երկրներին, որոնք Google-ի դեմ հարկեր կսահմանեն Պարզվել են քաղաքացիական ավիացիայի ոլորտում 2013-2018 թթ. կատարված կոռուպցիոն չարաշահումներ Կաթողիկոսը կարևորել է Ստամբուլյան կոնվենցիայի շուրջ մտահոգությունների քննարկումների անցկացումը Նիկոլ Փաշինյանը՝ Վենետիկի հանձնաժողովի մասին Իվանիշվիլի. Գախարիայի հրաժարականը պետական դավաճանություն կլինի Նիկոլ Փաշինյանը՝ Վենետիկի հանձնաժողովի մասին 14 ամիսների ընթացքում իմ ամենամեծ ձեռքբերումը ժողովրդավարությունն է. Նիկոլ Փաշինյան Բնապահպանը նշեց Սեւանա լճի «ծաղկման» պատճառը եւ նրան «առողջացնելու» դեղատոմսը ՀՀ ԱԳ նախարարը եւ ԱՄՆ պետքարտուղարի տեղակալի պաշտոնակատարն անդրադարձել են ԼՂ հիմնախնդրի կարգավորման գործընթացին Հայտնի է` ինչու են խուզարկել դատավոր Դավիթ Գրիգորյանի աշխատասենյակը. փաստաբանը մանրամասնում է «Ֆեյսբուքը» մի տեղ կա, իսկ մեկ այլ տեղ՝ ոչ. տարօրինակ վիճակ Մենք ունենք վատ կառավարման պրոբլեմ․ Նիկոլ Փաշինյանի հարցազրույցը․ ուղիղ Նունու Գոմեշը՝ Ծիծեռնակաբերդում․ Նման ոճրագործություն պետք է չկրկնվի (ֆոտո) Ստամբուլյան կոնվենցիան մեր ազգի համար ինքնասպանությանը հավասար փաստաթուղթ է. Միհրդատ Մադաթյան Հայտնի է ուռուցքային հիվանդությունների 90%-ի պատճառը Իսրայելում և Միացյալ Նահանգներում թուրքական C-400-ներին մեղադրել են Սիրիայի օդային տարածքում նոր իրավիճակի համար Օլգա Բուզովան Բրեդլի Քուփերին նվիրել է բաժանությունների մասին «Водица» երգը Պետական գնումների համակարգը դարձնել ճկուն. Վարչապետի մոտ տեղի է ունեցել խորհրդակցություն ՉԼ․ ԱԻԿ - «Արարատ-Արմենիա»․ Բուքմեյքերների կանխատեսումը Ինչո՞ւ Արսեն Թորոսյանը չի մասնակցել Սեւանա լճի թեմայով քննարկմանը ԱԺ–ում. Մամուլի խոսնակը պարզաբանում է Ֆելիքս Ցոլակյանն այցելել է Սևանա լճի Մարտունու և Այրիվանքի լողափեր Մալայզիայի նախկին թագավորը ամուսնալուծվել է միս Մոսկվայից
Հարցում

Ով որտեղից եկավ-դարձավ մարզպետ

 Այն, որ Նիկոլ Փաշինյանի կադրային քաղաքականությունը նրա կառավարության ամենախոցելի տեղն է, վկայում են գրեթե ամեն օր տարբեր առիթներով եւ տարբեր մարզերում տեղի ունեցող բողոքի ակցիաները: Դա հատկապես զգալի է մարզերում. նորանշանակ մարզպետները ոչ միշտ են արդարացնում հասարակության հույսերը, ոմանց նշանակումն անգամ ուղեկցվեց բողոքի ակցիաներով:

Ծանոթանալով նոր կառավարության մարզպետների կենսագրությանը՝ կարելի է հասկանալ, թե որտեղ է նրանց ձախողումների պատճառը. նրանցից շատերը չունեն համապատասխան աշխատանքային փորձառություն: Անգամ մարզպետներից մեկի աշխատանքային գրքույկի առաջին գրառումը մարզպետի պաշտոնն է: Թեեւ նրանք ունեն բարձրագույն կրթություն, բայց պրակտիկ գիտելիքներ ոմանք չունեն, իսկ դա ոչ պակաս կարեւոր է այնպիսի բարդ ոլորտ ղեկավարելու համար, ինչպիսին է մարզը:

Արմավիրի 27-ամյա մարզպետ Համբարձում Մաթեւոսյանի ոչ հարուստ կենսագրությունը հիմնականում կապված է արտերկրի հետ։ Ծնվել է Գյումրիում, դպրոցն ավարտելուց հետո, մինչեւ 2016-ն ապրել եւ աշխատել է Հայաստանից դուրս. 6 տարի կրթություն է ստացել ԱՄՆ-ում, այնուհետեւ աշխատել է Ուկրաինայի Դոնեցկ քաղաքում նախ որպես շուկայի պատասխանատու, այնուհետեւ՝ որպես Դոնեցկում ՀՀ հյուպատոսի խորհրդական: 2016-ին վերադարձել է Հայաստան եւ աշխատել Ամերիկյան համալսարանում՝ որպես ֆակուլտետի կառավարիչ եւ կրթության գծով խորհրդական: Իսկ 2018-ի հոկտեմբերին նշանակվել է Արմավիր մարզպետ: Նրա կենսագրականում նշված աշխատանքները որեւէ առնչություն չունեն ո՛չ հայաստանյան համայնքների, ո՛չ էլ, առավել եւս, մարզերի հետ: Մաթեւոսյանը մինչ մարզպետ նշանակվելը ծանոթ չէր հայաստանյան ներքին կյանքին, նրա խնդիրներին, մարզերի առանձնահատկություններին: Ուստի պատահական չէ, որ արմավիրցիները նրան համարում են ոչ յուրային՝ դրսից եկած մարդ, եւ որեւէ խնդիր ունենալու դեպքում բողոքի ակցիաներ են անում, ճանապարհ փակում, որպեսզի իրենց խոսքը միանգամից հասնի Փաշինյանին: Նրանք մարզպետի հետ հույսեր չեն կապում:

Արարատի մարզպետի անունն ամենաշատն է հիշատակվում մամուլում եւ համացանցում: 31-ամյա Գարիկ Սարգսյանը մինչեւ մարզպետ նշանակվելը մոտ մեկուկես տարի եղել է Արարատի Նոր կյանք համայնքի ղեկավարը: Դա է նրա աշխատանքային գործունեությունը, դրանից հետո միանգամից նշանակվել է Հայաստանի ամենաբարդ մարզի՝ Արարատի մարզպետ: Հարկ է նշել, որ համայնքի ղեկավար լինելու ժամանակ նա աչքի է ընկել համայնքանպաստ քայլերով: Նրա ղեկավարած Նոր կյանքը համարվում է Հայաստանի առաջին հեղափոխական գյուղը: Մարզպետ դառնալուց հետո Սարգսյանի իմիջը գնալով դառնում է շարքային չինովնիկի իմիջ, ով պաշտոնների է նշանակում իր ազգուտակին:

Սյունիքի մարզպետ Հունան Պողոսյանին ներկայացնելու կարիք չկա: Մարզպետների մեջ նա ամենաավագն է եւ ամենահարուստը՝ կենսագրությամբ, որը հիմնականում կապված է եղել իրավապահ համակարգի հետ: Նա աշխատել է ՀՀ նախկին երեք ղեկավարների ժամանակ, իրավապահ ոլորտում զբաղեցրել բարձր պաշտոններ, ուստի նրան ո՛չ անփորձ կարելի է համարել, ո՛չ էլ Հայաստանի ներքին կյանքին անտեղյակ: Այլ բան է, որ ոստիկանության նախկին բարձրաստիճան պաշտոնյան ավելի լավ կարող էր աշխատել նույն ոլորտում, բայց նոր՝ ետհեղափոխական Հայաստանի ոգով:

Վայոց ձորի 30-ամյա մարզպետ Տրդատ Սարգսյանը ԵՊՀ արեւելագիտության եւ իրավագիտության ֆակուլտետներն ավարտելուց հետո, կարելի է ասել, միանգամից նշանակվել է Վայոց ձորի մարզպետ: Թեեւ նրա կենսագրականում այդ նշանակումից առաջ գրված է, որ 2016-2018 թթ․ եղել է «Համալսարանականներ» համատիրության կառավարիչ, բայց դա պետական աշխատանք չէ։ Տրդատ Սարգսյանը մշտապես ակտիվ հասարակական գործունեություն է վարել, մասնակցել է քաղաքացիական շարժումների:

Մարզպետներից ամենափորձառուներից է Տավուշի մարզպետ 45-ամյա Հայկ Չոբանյանը, ով ծնունդով Շամշադինի շրջանից է: Նա նույնպես ունի համալսարանական կրթություն, ավարտել է ՀՀ Կառավարման ակադեմիան, իսկ մինչ մարզպետ նշանակվելը տարբեր պաշտոններ է զբաղեցրել թե՛ պետական համակարգում, թե՛ մասնավոր սեկտորում: Աշխատել է ՀՀ կառավարության աշխատակազմում, արդարադատության նախարարությունում, եղել է հրատարակչության տնօրեն, 5 տարի ղեկավարել է ՀՀ աշխատանքի եւ սոցիալական հարցերի նախարարության «Նորք տեղեկատվական կենտրոն» ՓԲԸ-ն, հիմնադրել է «Արփի սոլար» արեւային էներգիա արտադրող ընկերությունը, ինֆորմացիոն տեխնոլոգիաների ձեռնարկությունների միությունն է ղեկավարել: ԱԺ վերջին ընտրություններում Չոբանյանն առաջադրվել էր որպես ռեյտինգային թեկնածու, սակայն չհաղթահարեց անցողիկ շեմը, քանի որ ամբողջ մարզային ռեսուրսն աշխատում էր նախկին մարզպետ Վահե Ղալումյանի եւ Փաշինյանի եղբորորդու՝ Սիփան Փաշինյանի համար: Անկախ ընտրությունների արդյունքներից, Չոբանյանը դրական վարկանիշ ունի Տավուշի մարզում: Նրան պատահական մարդ չեն համարում եւ հույսեր են կապում նրա հետ։

Կոտայքի 40-ամյա մարզպետ Ռոմանոս Պետրոսյանը նույնպես անծանոթ մարդ չէ իր ղեկավարած մարզում: Թեեւ ծնվել է Տավուշի Չինարի գյուղում, բայց մանկությունից նրա ընտանիքը տեղափոխվել է Աբովյան քաղաք: Մինչ մարզպետ նշանակվելը, համալսարանական կրթությունն ստանալուց հետո նա զբաղեցրել է տարբեր պաշտոններ. եղել է Ախթալայի լեռնահարստացման կոմբինատի տնտեսագետը, տարբեր պաշտոններ է զբաղեցրել «Օրանժ Արմենիայում», ղեկավարել է մասնավոր շինարարական կազմակերպության կոմերցիոն բաժին, եղել է «Բիզնես Ռեջենթ» ՍՊԸ տնօրենը:

Լոռու 38-ամյա մարզպետ Անդրեյ Ղուկասյանը թեեւ իր ողջ կենսագրությամբ կապված է իր ղեկավարած մարզի հետ, քանի որ միշտ աշխատել է Վանաձորում, այնուամենայնիվ, հայտնի չէ, թե ողջ կյանքում միայն ատամնաբուժությամբ զբաղված բժիշկը, ով այլ ոլորտում աշխատելու փորձ չունի, ինչպես է ղեկավարելու մի ամբողջ մարզ՝ իր բոլոր բարդ ու չլուծված խնդիրներով հանդերձ:
Շիրակի մարզպետ Տիգրան Պետրոսյանը ծնվել, մեծացել է Գյումրիում, մինչ մարզպետ նշանակվելը դասախոսել է Հայաստանի ազգային պոլիտեխնիկական համալսարանի Գյումրու մասնաճյուղում, այնուհետեւ՝ Շիրակի պետական համալսարանում: Բավականին ակտիվ գործունեություն է ծավալել հասարակական կյանքում, մշտապես եղել է տարբեր ՀԿ-ների խորհրդի անդամ կամ գործընկեր:
Արագածոտնի 28-ամյա մարզպետ Դավիթ Գեւորգյանին դժվար թե մարզի բնակիչներն ընդունեն որպես յուրային: Նա ծնվել, բարձրագույն կրթությունը ստացել եւ կարճատեւ աշխատանքային փորձ է ձեռք բերել Երեւանում, մասնագիտությամբ շուկայաբան է, 2 տարի զբաղեցրել է «Նոյյան տապան» տպագրատան տնօրենի պաշտոնը, մինչ այդ հիմնել է մարքեթինգային գործունեությամբ եւ բիզնեսով զբաղվող «Բիզնես Քալչր» ՍՊԸ-ն: Ու չնայած անփորձությանը, նա անցած տարվա հունիսին նշանակվեց տարածքային կառավարման նախարարի տեղակալ, իսկ հոկտեմբերին՝ Արագածոտնի մարզպետ:

Գեղարքունիքի մարզպետ 35-ամյա Գնել Սանոսյանը ծագումով նույն մարզից է: Համալսարանական կրթությունն ստանալուց հետո աշխատել է որպես աշխարհագրության ուսուցիչ, այնուհետեւ դասախոսել է նախ Երեւանի հյուսիսային, այնուհետեւ՝ Արտաքին տնտեսական կապերի համալսարանում: Մեկ տարի էլ ՍՊԸ-ի վաճառքի պատասխանատու է եղել: Մի խոսքով, ոչ մի կառավարման փորձ չի ունեցել, բայց քանի որ ՔՊԿ հիմնադիր անդամ է, իշխանափոխությունից անմիջապես հետո նշանակվեց բնապահպանության փոխնախարար, այնուհետեւ՝ Գեղարքունիքի մարզպետ:

Ուշագրավ է, որ մարզպետներից ոմանք, ցանկանալով հարստացնել իրենց կենսագրության մեջ աշխատանքային գործունեության դատարկ էջը, նշում են ինչ-որ հասարակական գործունեության, ինչ-որ անհայտ օտարահունչ անվանումներով ընկերություններում զբաղեցրած անորոշ պաշտոնների մասին, որոնք երբ մի փոքր ուսումնասիրում ես, տեսնում ես, որ կոնկրետ աշխատանքային գործունեության հետ գրեթե առնչություն չունեն: Ասենք, Վայոց ձորի մարզպետը նշանակվելուց առաջ եղել է «Համալսարանականներ» համատիրության կառավարիչ, Շիրակի մարզպետը, բացի դասախոսությունները, նշել է, որ եղել է «Հայկական Կարիտաս» ՀԿ շահերի պաշտպանության եւ լոբբինգի պատասխանատու:

Մինչ բարձր պաշտոններում ակամա հայտնված մարզպետներին կյանքը ճոճք է թվում, աշխարհը՝ ծիրանագույն բուրաստան, եւ նրանք հաջողությունից գլխապտույտի մեջ իրենք իրենց պարգեւատրում են, իսկ մարզերի խնդիրները մնում են չլուծված, գյուղացին մնում է իր հոգսի հետ միայնակ: Իսկ երկրի առաջին դեմքի կողմից անգամ ձոնված չափածո հանձնարարականով դժվար թե գյուղացու մատի փուշը հանեն…

hraparak.am

website by Sargssyan