Ղազախստանի նախագահի ժամանակավոր պաշտոնակատար է նշանակվել Սենատի խոսնակը
Ինչպես ավելի վաղ հայտնել էինք` Ղազախստանի նախագահ Նուրսուլթան Նազարբաևը հայտարարել է հրաժարականի մասին:
«Ես որոշում եմ կայացրել դադարեցնել նախագահի իմ լիազորությունները: Արդեն 30 տարի է, ինչ ես զբաղեցնում եմ այս ամենաբարձր պաշտոնը: Ժողովուրդն ինձ հնարավորություն է տվել լինել անկախ Ղազախստանի ամենից առաջին նախագահը»,- ասել է նա:
Նազարբաևի հրաժարականի պատճառները առայժմ հայտնի չեն:
Նախագահի պարտականությունները ժամանակավորապես կկատարի Սենատի (վերին պալատ) խոսնակ Կասիմ Ժոմարտ Տոկաևը:
Նազարբաևը Ղազախստանի նախագահի պաշտոնում էր 1990 թվականից: 2015թ. նա նախագահ ընտրվեց 5-րդ անգամ: