Կոռուպցիայի համար մեղադրվող Պերուի նախկին նախագահն ԱՄՆ-ում ձերբակալվել է հարբեցողության համար
ԱՄՆ Կալիֆոռնիա նահանգում ձերբակալվել է Պերուի նախկին նախագահ Ալեխանդրո Տոլեդոն, այս մասին հաղորդում է korrespondent.net-ը։
Ոստիկանության աշխատակիցները Տոլեդոյին ձերբակալել են տեղի ռեստորաններից մեկում։ Հատկանշական է, որ ամերիկացի իրավապահները գիտեին, որ Պերուի նախկին նախագահը հայրենիքում մեղադրվում է կոռուպցիայի համար, սակայն օրենքը թույլ չէր տալիս ձերբակալել նրան դրա համար ԱՄՆ-ում։ Այնուամենայնիվ՝ Տոլեդոն ձերբակալվել է, սակայն ոչ թե կոռուպցիայի, այլ հարբեցողության համար։
Պերուի արտգործնախարարությունն արդեն հաստատել է նախկին նախագահի ձերբակալման լուրը։ Տոլեդոն իր հերթին ձերբակալությունն անվանել է քաղաքական հակառակորդների դավադրության հետևանք։