Վաղ է խոսել, թե Փհենյանը պատրաստվում է հրթիռ արձակել. Հարավային Կորեայի
Առայժմ վաղ է խոսել այն մասին, թե Հյուսիսային Կորեայի վերջին ժամանակների գործունեությունը հրթիռային որոշ օբյեկտներում հրթիռի արձակման նախապատրաստություն է։ Այս մասին ասել է Հարավային Կորեայի պաշտպանության նախարար Չոն Կյոնդուն խորհրդարանական լսումների ժամանակ, տեղեկացնում է Reuters-ը։
Մարտի սկզբին ամերիկյան մի քանի վերլուծաբանական կենտրոններ եւ հարավկորեական պաշտոնատար անձինք տեղեկացրին, որ արբանյակային լուսանկարները ցույց են տալիս Sohae հրթիռի արձակման հնարավոր նախապատրաստությունը Թոնչան-րիից, որն անցյալում օգտագործվում էր արբանյակների արձակման համար։
«Վաղ է սա հրթիռների հետ կապված գործունեություն անվանել»,- ասել է պաշտպանության նախարար Չոն Կյոնդուն։ «Թոնչան րին մեկնարկային հարթակ է, բայց մենք ոչ մի ակտիվություն հրթիռի արձակման համար չենք տեսնում»,- նշել է նա։
Նա նաեւ տեղեկացրել է, որ կան Հյուսիսային Կորեայում միջուկային գործունեության շարունակման նշաններ, բայց մանրամասների մեջ չի խորացել։