1,5 մլն դոլար. Microsoft-ը ցույց է տվել աշխարհի ամենաանաղմուկ սենյակը (լուսանկարներ, տեսանյութ)
Ամերիկյան Microsoft տեխնոլոգիական ընկերությունը գաղտնազերծել է աշխարհի ամենաանաղմուկ սենյակը, որը գտնվում է ընկերության՝ Ռեդմոնդի մասնաշենքում:
Ինչպես նշում է Daily Mail-ը, սենյակն այն աստիճան անաղմուկ է, որ մարդիկ 45 րոպեից ավելի չեն կարողանում այնտեղ անցկացնել:
Հայտնի է, որ տեխնոլոգիական «հսկան» այս սենյակում փորձարկում է իր ականջակալները, համակարգչային մկնիկները և այլն:
Քչերին է հաջողվել սենյակ մտնել, սակայն մտնողները բողոքել են, որ իրենց տհաճ էր անընդհատ լսել սեփական շնչառության կամ որովայնի աշխատանքի արդյունքում լսվող ձայները:
Աղբյուրը մանրամասնում է, որ Գինեսի ռեկորդների գրքում գրանցված ամենաանաղմուկ սենյակի կառուցման համար Microsoft -ը 1,5 մլն դոլար է ծախսել: