Համացանցում հայտնվել է Facebook-ի ղեկավարների գաղտնի նամակագրությունը
Facebook-ի ղեկավարների գաղտնի նամակագրությունը էլեկտրոնային փոստով հայտնվել է համացանցում, գրում է The Guardian-ը:
Հրատարակությունն ընդգծում է, որ խոսքը նաեւ սոցիալական ցանցի հիմնադիր Մարկ Ցուկերբերգի մասին է:
Ինչպես նշվում է, ուրբաթ՝ փետրվարի 22-ին, GitHub ռեսուրսում տեղադրվել են Facebook-ի եւ Six4Three- ի միջեւ դատական գործով շուրջ 60 էջ նյութեր: Դրանց թվում եղել են նաեւ ընկերության ղեկավարության էլեկտրոնային նամակները, որոնցում նրանք քննարկում են սոցիալական ցանցի աշխատանքի խափանումները:
Ընդգծվում է, որ այս պահին թերթը չի կարողացել ինքնուրույն հաստատել այդ փաստաթղթերի իսկությունը: