Հայաստանում ԱՄՆ նորանշանակ դեսպանը Երեւան կժամանի հաջորդ շաբաթ
Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ, այս մասին ասվում է ՀՀ–ում ԱՄՆ դեսպանատան ֆեյսբուքյան էջում։
«Ուրախությամբ հայտնում ենք, որ հաջորդ շաբաթ Միացյալ Նահանգների դեսպան Լին Թրեյսին կժամանի Երեւան: Մանրամասների համար շարունակե՛ք հետեւել մեր էջին»,– ասվում է դեսպանատան էջում զետեղված հաղորդագրությունում:
Ավելի վաղ NEWS.am-ը հայտնել էր, որ Վաշինգտոնում կայացել է Հայաստանում ԱՄՆ նորանշանակ դեսպան Լին Թրեյսիի երդման արարողությունը:
«Այս շաբաթ Լին Մ. Թրեյսին երդվեց ծառայել Հայաստանի Հանրապետությունում որպես Ամերիկայի Միացյալ Նահանգների արտակարգ եւ լիազոր դեսպան: Դեսպան Թրեյսին ԱՄՆ դիվանագիտական ծառայության ավագ կադրային դիվանագետ է եւ Հայաստանում ներկայացնելու է Միացյալ Նահանգների նախագահին: Անհամբեր սպասում ենք նրան Երեւանում»,- նշված էր ԱՄՆ դեսպանության էջում: