Նիգերիայում փողի պարկերով բեռնված ինքնաթիռը չի կարողացել պոկվել գետնից (տեսանյութ)
Նիգերիայում կանխիկ գումարով լի պարկերով բեռնված ինքնաթիռը չի կարողացել օդ բարձրանալ:
Ինչպես հաղորդում է Lenta.ru-ն, կատարվածը տեսագրել է նիգերիացի հայտնի լրագրողներից մեկը:
Instagram-ում հրապարակված հոլովակում երևում է, թե ինչպես է ոչ մեծ ինքնաթիռի ետնամասը ծանրության պատճառով դիպել գետնին: Ինքնաթիռի շուրջ իրարանցում է սկսվել. աշխատակիցները փորձել են լուծել ստեղծված խնդիրը:
«Սա պետք է որ նիգերիական կինո լինի: Ինքնաթիռը հետ է ընկել, երբ այն չափազանց շատ է բեռնվել կանխիկ գումարի պարկերով… Չեմ հավատում աչքերիս», - սոցցանցում գրել է լրագրողը:
Նա չի մասնավորեցրել, թե ինչ գումարի մասին է խոսքը և ուր էին այն տեղափոխում: