Ջուլիան Ասանժը նոր անձնագիր է ստացել
WikiLeaks-ի հիմնադիր Ջուլիան Ասանժը ստացել է ավստրալական նոր անձնագիր։ Գազետա.ռու-ն, հղում անելով The Sydney Morning Herald-ին, գրում է, որ սրան նախորդել է նրա իրավիճակի երկար քննարկում։ Նշվում է, որ նոր փաստաթուղթ ստանալու Ասանժի հայտարարությունը հաստատվել էր դեռ 2018 թվականին, այդ տեղեկությունը հաստատել էր Ավստրալիայի արտաքին գործերի նախարարությունից։ Բայց անձնագիր ստանալու մասին որևէ տեղեկություն մինչ այս պահը չկար։
Սկզբնաղբյուրն ընդգծում է, որ այդ իրադարձությունն Ասանժի համար շատ կարևոր է նրա արտաքսման վերաբերյալ Էկվադորի իշխանությունների վերջին պահանջի ֆոնին։ Ավելի վաղ Էկվադորի արտաքին գործերի նախարարությունը հայտարարել էր, որ Ասանժը պետք է հանձնվի իշխանություններին։
2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում էր սեռական բնույթի հանցագործությունների մեջ, կամ ԱՄՆ, որտեղ նա կարող էր բանտարկվել լրտեսության համար: