ՌԴ-ում գրանցվել է 2-րդ դոլարային կին միլիարդատերը
Wildberries ընկերության միակ սեփականատեր Տատյանա Բակալչուկը դարձել է Ռուսաստանի Դաշնությունում դոլարային երկրորդ կին միլիարդատերը, որի կարողությունը գերազանցել է 1 մլրդ դոլարը:
Ինչպես գրում է Forbes-ը, նրա ընկերությունը գնահատվել է 1,2 մլրդ դոլար:
Մեկ տարի առաջ Բակալչուկն առաջին անգամ ներառվել էր ՌԴ-ի ամենահարուստ մարդկանց ցանկում՝ 600 մլն դոլար կարողությամբ:
Աղբյուրը մանրամասնում է, որ անգլերենի մասնագետ Տատյանա Բակալչուկն իր բիզնեսը հիմնել է ամուսնու հետ՝ 2004թ.: Ի սկզբանե ամուսինները զբաղվում էին գերմանական Otto և Quelle կատալոգներով կանանց համար նախատեսված հագուստի վաճառքով: Սակայն ներկայում նրանց առցանց կայքում ներկայացված են տարատեսակ ապրանքներ, այդ թվում՝ խաղալիքներ, մարզիկների ու երեխաների համար նախատեսված սնունդ, էլեկտրոնային սարքեր, գրքեր և այլն: Կայքն ամսական այցելում է մոտ 60 մլն մարդ:
Նշվում է, որ ՌԴ առաջին դոլարային կին միլիարդատերը Ելենա Բատուրինան է: