Պարաններով հյուսված կամուրջը պոկվել է, և զբոսաշրջիկները մնացել են օդում կախված (տեսանյութ)
Չինաստանի Գուանդուն նահանգում կտրվել է պարաններով հյուսված կամուրջը, որի վրա զբոսաշրջիկներ են եղել: Ինչպես գրում է The Sun-ը, դեպքը տեղի է ունեցել փետրվարի 8-ին:
Կամուրջը պոկվել է այն բանից հետո, երբ հերթի վերջում կանգնած զբոսաշրջիկներից մեկը ցնցել է այն, և 6 մարդ մնացել է օդում կախված:
Բարեբախտաբար, բոլորի հագին անվտանգության լծասարքեր են եղել, և փրկարարներին հաջողվել է մարդկանց անվնաս իջեցնել:
Ջրից մոտ 2,5 մետր բարձրության վրա գտնվող կամուրջն այժմ անորոշ ժամանակով փակվել է: