Փետրվարի 23-ին Մոսկվայում ավտոկայանատեղիներն անվճար կլինեն
Փետրվարի 23-ին` Հայրենիքի պաշտպանի օրը, Մոսկվայի բոլոր փողոցներում ավտոկայանատեղիներն անվճար կլինեն: Այդ մասին հայտնում է Коммерсант-ը` վկայակոչելով քաղաքային իշխանություններին:
«Փետրվարի 23-ին քաղաքացիները կայանելու համար չեն վճարի, այդ թվում այն փողոցներում, որտեղ գործում է առավելագույն` 1 ժամվա համար 380 ռուբլի արժեքը»- նշված է հաղորդագրության մեջ:
Միաժամանակ, քաղաքային իշխանությունը տեղեկացրել է, որ կիրակի` փետրվարի 24-ին, բոլոր փողոցներում կայանումը կիրականացվի ամենօրյա ռեժիմով: «Հորդորում ենք վարորդներին լինել ուշադիր, հետևել ճանապարհային երթևեկության կանոններին, և ավտոմեքենաները կայանել թույլատրելի վայրերում»,- ասված է հայտարարության մեջ:
Հիշեցնենք, որ 2018-ի դեկտեմբերի 15-ից Մոսկվայում վճարովի ավտոկայանատեղիների նոր սակագներ են սահմանվել: Քաղաքի կենտրոնական 237 փողոցներում կայանելու վճարը գրեթե կրկնապատկվել է` դառնալով 1 ժամվա համար 380 ռուբլի: Կիրակի օրերին կայանելը նույնպես վճարովի է դարձել: