«ԵՄ-ն պետք է հետ վերցնի Սիրիայում գերեվարված 800 ԻՊ-ականներին». Թրամփ
Միացյալ Նահանգների նախագահ Դոնալդ Թրամփը հայտարարել է, որ Եվրոպական միությունը պետք է հետ վերցնի «Իսլամական պետություն» ահաբեկչական խմբավորման 800 գրոհայիններին, որոնք Սիրիայում գերեվարվել են ԱՄՆ զորքերի կողմից: Թրամփի համոզմամբ՝ ԵՄ-ն նրանց պետք է հետ վերցնի ու դատարանի առաջ կանգնեցնի:
«Միացյալ Նահանգները խնդրում է Մեծ Բրիտանիային, Ֆրանսիային, Գերմանիային ու մյուս եվրոպացի դաշնակիցներին հետ վերցնել ու դատել մոտ 800 ԻՊ-ականներին, որոնք մենք գերի են վերցրել Սիրիայում: Խալիֆայությունը (նկատի ունի ԻՊ-ի կողմից հռչակած խալիֆայությունը) պատրաստ է անկման»,-Twitter-ում գրել է նախագահը՝ նկատելով, որ իսլամիստներին ազատ արձակելը ճիշտ որոշում չի լինի:
Ինչպես նշում է The Guardian-ը, որոշ ԵՄ երկրներ, այդ թվում՝ Ֆրանսիան, հայտարարել է, որ պատրաստ է հետ վերցնել երկրից Սիրիա մեկնած ու իսլամիստներին միացած ջիհադիստներին:
Թրամփը նաև հավելել է, որ խալիֆայության նկատմամբ 100%-անոց հաղթանակից հետո ԱՄՆ-ն կհեռանա Սիրիայից: