Պուտինը հավատացրել է Թրամփին, որ Հյուսիսային Կորեան չունի հեռահար հրթիռներ
ԱՄՆ Հետախուզությունների դաշնային բյուրոյի տնօրենի նախկին պաշտոնակատար Էնդրյու Մքքեյբը հայտարարել, որ Միացյալ նահանգների նախագահ Դոնալդ Թրամփը չի հավատացել հյուսիսկորեական միջմայրցամաքային հրթիռների մասին ամերիկյան հետախուզության ներկայացրած զեկույցին, քանի որ ՌԴ նախագահ Վլադիրմիր Պուտինը նրան վստահեցրել էր, որ դրանք գոյություն չունեն, հաղորդում է CBS News-ը:
Մքքեյբի խոսքով՝ ՀԴԲ-ի աշխատակիցները փորձում էին Սպիտակ տանը տեղի ունեցած ճեպազրույցի ժամանակ համոզել Թրամփին, որ ամերիկյան հետախուզությունն ունի տվյալներ ԿԺԴՀ-ի միջմայրցամաքային հրթիռների վերաբերյալ, սակայն նախագահն իր կարծիքը չէր փոխում: «Ինձ համար միևնույն է, ես հավատում եմ Պուտինին», - մեջբերում է Մքքեյբը Թրամփի խոսքերը:
ՀԴԲ-ի տնօրենի նախկին պաշտոնակատարն ընդգծել է, որ ամերիկյան առաջնորդի նման արձագանքն ապշեցրել է ԱՄՆ հետախուզական ծառայությունների ներկայացուցիչներին: