Մինչ Բոատենգը ֆուտբոլային խաղի էր մասնակցում, նրա բնակարանը թալանել են
«Բարսելոնայի» կիսապաշտպան Քևին-Պրինց Բոատենգի բնակարանն ավազակային հարձակման է ենթարկվել:
Mundo Deportivo-ի տեղեկություններով, գողերը ներխուժել են 31-ամյա ֆուտբոլիստի բնակարան, մինչ վերջինս մասնակցել է Իսպանիայի առաջնության 24-րդ տուրի` «Վալյադոլիդի» հետ խաղին:
Բոատենգի բնակարանից թանկարժեք իրեր և գումար են գողացել: Վնասն ընդհանուր առմամբ 300 հազար եվրո է գնահատվում:
Հիշեցնենք` «Բարսելոնան» նվազագույն հաշվով հաղթել է «Վալյադոլիդին», իսկ Բոատենգը «Բարսելոնայի» կազմում իր նորամուտն է նշել Իսպանիայի առաջնությունում և փոխարինվել է 60-րդ րոպեին` չկարողանալով աչքի ընկնել արդյունավետ գործողություններով:
Բոտանեգը ձմեռային տրանսֆերային պատուհանի ընթացքում է «Սասուոլոյից» վարձակալության հիմունքներով տեղափոխվել «Բարսելոնա»: