Թրամփը վստահ է, որ արժանի է Խաղաղության Նոբելյան մրցանակի
ԱՄՆ նախագահ Դոնալդ Թրամփը հայտարարել է, որ արժանի է Խաղաղության Նոբելյան մրցանակի, սակայն չի ակնկալում ստանալ այն, գրում է РИА Новости-ն:
«Ինչ վերաբերում է ինձ, ապա ես, հավանաբար, երբեք չեմ ստանա այն, բայց հոգ չէ: Նրանք տվել են այն (նախկին նախագահ Բարաք – Tert.am) Օբամային, և նա անգամ չգիտեր, թե ինչու», - հայտարարել է Թրամփը ՝ պատասխանելով լրագրողների հարցերին:
Թվելով իր գրանցած հաջողությունները՝ նախագահն ընդգծել է ԿԺԴՀ-ի և անձամբ երկրի առաջնորդ Կիմ Չեն Ընի հետ հարաբերությունների հարթումը և Իդլիբում ՌԴ-ի, Իրանի և Սիրիայի հակաահաբեկչական գործողությունների հետևանքով խաղաղ բնակչության սպանության կանխումը:
Թրամփի խոսքով՝ Ճապոնիայի վարչապետ Սինձո Աբեն անձամբ է իր թեկնածությունն առաջադրել: «Նա ասաց. «Ճապոնիայի անունից ես առաջադրել եմ ձեր թեկնածությունը և խնդրում եմ նրանց ձեզ Խաղաղության Նոբելյան մրցանակ տալ»», - հայտարարել է Թրամփը: