Իտալացի ագարակատերերը տոննաներով կաթ են թափել փողոցում՝ ի նշան բողոքի (տեսանյութ)
Սարդինիայում իտալացի հողագործները ցուցադրաբար հազարավոր տոննա ոչխարի կաթ են լցրել ճանապարհի երթևեկելի հատվածում՝ ի նշան բողոքի հումքի գնման ցածր գների դեմ:
Ինչպես նշում է Корреспондент-ը, կղզու ագարակատերերը պահանջում են բարձրացնել մեկ լիտր կաթի գնման արժեքը՝ 50 եվրոցենտից հասցնելով 70-ի: Այդ պահանջը նրանք բացատրում են նրանով, որ այլևս շահավետ չէ կենդանի պահելը կաթի արտադրության համար:
Նշվում է, որ նրանց բողոքի ակցիայի պատճառով տեղի ֆուտբոլային ակումբը չի կարողացել մեկնել Միլան՝ հանդիպում անցկացնելու:
«Յուրաքանչյուրս 11 մարդու ենք կերակրում: Եվ ոչ ոք մեզ չի օգնում, սակայն մենք բոլորին պահում ենք»,- ասել է ցույցի մասնակիցներից մեկը:
Նրանք պնդում են, որ կշարունակեն կաթ լցնել փողոցներում, քանի դեռ իրենց պահանջները չեն կատարվի: