«Դա կարող է նրանց վերջին տոնակատարությունը դառնալ». Նեթանյահուն պատասխանել է Իրանի՝ Թել Ավիվը ոչնչացնելու սպառնալիքներին
Իսրայելի վարչապետ Բինյամին Նեթանյահուն պատասխանել է իրանական իշխանությունների՝ Թել Ավիվ և Հայֆա քաղաքները ոչնչացնելու սպառնալիքներին, գրում է իսրայելական Haaretz պարբերականը:
Փետրվարի 11-ին Իրանի իսլամական հեղափոխության պահապանների կորպուսի ավագ հրամանատար Յադոլլա Ջավանին երկրում Իսլամական հեղափոխության 40-ամյակի տոնակատարության ժամանակ սպառնացել է ԱՄՆ-ի հարձակման դեպքում ոչնչացնել Թել Ավիվ և Հայֆա քաղաքները:
«Ես չեմ անտեսում իրանական վարչակարգի սպառնալիքները, սակայն չեմ էլ վախենում դրանցից: Եթե այդ վարչակարգը սխալվի և Թել Ավիվն ու Հայֆան ոչնչացնելու փորձ անի, անհաջողության կմատնվի, սակայն դա նրանց վերջին տոնակատարությունը կդառնա: Խորհուրդ կտայի իրանական կողմին հաշվի առնել այդ հանգամանքը»,- ասել է վարչապետը: