Կանադայի արևմուտքում դպրոցներում դասերը դադարեցվել են (լուսանկարներ)
Կանադայի Բրիտանական Կոլումբիա նահանգի իշխանությունները նահանգի դպրոցների մեծ մասում դասերը դադարեցնելու որոշում են կայացրել՝ ձյան առատ տեղումների պատճառով, հաղորդում է CBS հեռուստաալիքը:
Ազգային օդերևութաբանական կենտրոնի տվյալների համաձայն՝ երկուշաբթի նահանգում տեղացած ձյան շերտի բարձրությունը տեղ-տեղ հասել է 10-15 սմ-ի, այն շուտով կարող է հասնել մինչև 25 սմ-ի:
Եղանակային վատ պայմաններն արդեն լուրջ փոփոխություններ են մտցրել տեղի բնակչության առօրյայում: Նահանգի օդանավակայանները հայտնել են բազմաթիվ չեղարկված և հետաձգված թռիչքների մասին: Չեղարկվել է նաև Վանկուվերի և Վանկուվեր կղզու միջև նավագնացությունը: