Brexit-ի հակառակորդ բրիտանուհին ռադիոհաղորդման ժամանակ անակնկալ մերկացել և հաղորդավարին «մերկ բանավեճի» մարտահրավեր է նետել
Մեծ Բրիտանիայում BBC Radio 4 Studio ռադոկայանի հաղորդումներից մեկի ժամանակ Քեմբրիջի համալսարանի դասախոսերից մեկն անսպասելի մերկացել է՝ ցնցելով հաղորդավար Ջոն Համֆրիսին:
Ինչպես գրում է Daily Mail-ը, Վիկտորիա Բեյթմենը, որը հաճախակի մերկ դասախոսություններ է կարդում, ռադիոկայանի տաղավար է եկել վերարկուով: Հայտնի չէ՝ արդյոք ռադիոկայանի աշխատակիցները տեղյակ են եղել Վիկտորիայի մտադրության մասին:
Պարբերականը հաղորդում է, որ կնոջ մարմնին «Brexit-ը մերկացնում է Մեծ Բրիտանիային» գրությունն է եղել:
Կնոջ խոսքով՝ գրության իմաստն այն է, որ Brexit-ը Մեծ Բրիտանիայի տնտեսությունն անպաշտպան է դարձնում, բացահայտում է նախորդ կառավարությունների ձախողումները, ինչպես նաև հակամիգրացիոն տրամադրություններ է սերմանում:
Կինը հաղորդավարին «մերկ բանավեճի» մարտահրավեր է նետել, որը, սակայն, մերժվել է: