Բանավեճ «Գալայի» եթերում
«Հակառակ կողմը» հաղորդման հյուրերն են Կոնգրես-ՀԺԿ կուսակցությունների դաշինքի պատգամավորի թեկնածու Արմեն Մարտիրոսյանը եւ «Օհանյան-Րաֆֆի-Օսկանյան» դաշինքի պատգամավորի թեկնածու Գեղամ Նազարյանը:
«Առաջին հերթին մենք պետք է հասնենք խաղաղության: Սա մեր դրոշն է»,- հայտարարեց Արմեն Մարտիրոսյանը:
«Օհանյան-Րաֆֆի-Օսկանյան» դաշինքի ներկայացուցիչ, քաղաքագետ Գեղամ Նազարյանը ներկայացրեց Արցախի հարցում իրենց դաշինքի տեսակետը:
«Արցախի հարցում մեր դիրքորոշումը հետեւյալն է. իհարկե, մենք պետք է շարժվենք բանականության, խելամտության դիրքերից: Իհարկե, կարող ենք մտնել պոպուլիզմի դաշտ եւ ասել՝ մենք պետք է ոչ միայն այդ հողերը հետ բերենք, այլ նաեւ Բաղդադը գրավենք…
Մեր առանջահերթ նպատակն է հասնել ԼՂՀ ինքնորոշման փաստի ճանաչմանը, որից հետո Լեռնային Ղարաբաղն ու Ադրբեջանը թող որոշեն սահմանները: Իհարկե, այստեղ փոխզիջում է պետք: Բա դու մի բան պետք է զիջես, չէ՞: Առանց փոխզիջման դա մշտական կոնֆլիկտ, մշտական պատերազմ, մշտական զոհեր է պահանջում: Թող ժողովուրդը որոշի…»,- նշեց Գեղամ Նազարյանը: