50մլն դոլար արժողությամբ նոր նավահանգիստ և ծովային տերմինալ Փոթիում
Փոթիում կկառուցվի նոր ծովային տերմինալ և ջրատարածության խորությունը կավելանա, որի շնորհիվ նավահանգիստը կարողանա ընդունել մինչև 50 հազար տոննա բեռնունակությամբ նավեր:
Առանձնապես կարևոր է, որ Ամերիկայի Միացյալ Նահանգների և Վրաստանի հարաբերություններում տնտեսական մասը գնալով դառնում է կարևոր, այս մասին հայտարարել է Վրաստանի վարչապետ Մամուկա Բախտաձեն՝ բացելով OPIC-ի ՝ ԱՄՆ Անհատական արտասահմանյան ներդրումների կոորպորացիայի և Peic Group-ի միջև 50 միլիոնանոց պայմանագրի ձևակերպմանը նվիրված միջոցառումը:
Պայմանագրի համաձայն՝ OPIC-ը ծովային տերմինալի ծրագրի շրջանակներում Peis Group-ին կֆինանսավորի 50 մլն ԱՄՆ դոլարի չափով:
Ըստ«Peis Group»- ի՝ տերմինալը կտեղակայվի Փոթիում՝ նախկին նավաշինարաիական գործարանի տարածքում, այսպես կոչված, նոր նավահանգստի ջրի տարածքում, որը«Peis Group»-ը ձեռք էր բերել 2013 թվականին: «Ծրագրի ընդհանուր արժեքը կազմում է 120 միլիոն դոլար։ Այն բաղկացած է երկու փուլից: Առաջին փուլի ընդհանուր ներդրումային արժեքը 93 մլն դոլար է, որից 50 մլն ԱՄՆ դոլար հատկացվում է մասնավոր արտասահմանյան ներդրումների կորպորացիայի (OPIC) կողմից:
Նշենք նաև, որ բացման խոսքում Մամուկա Բախտաձեն շնորհակալություն է հայտնել Թբիլիսիում գտնվող կորպորացիայի տնօրեն Կենետ Էնջելսին՝ նշելով, որ տարբեր նախագծերում OPIC-ը ներդրել է մոտ 600 մլն դոլար, որի շրջանակներում ֆինանսավորվել է մոտ 60 նախագիծ: