Երբ օդաչուն ուշանում է աշխատանքից, խցիկ է մտնում օդանավի պատուհանից (տեսանյութ, լուսանկարներ)
Լոնդոնի Հիթրոու օդանավակայանում օդաչուն փորձել է իր խցիկ մտնել օդանավի պատուհանից՝ հավանաբար չկարողանալով ներս մտնել հիմնական մուտքից:
Ինչպես գրում է Daily Mail-ը, զարմանալի ու զվարճալի տեսանյութը նկարահանել ու համացանցում է տեղադրել ավիաընկերության աշխատակիցներից մեկը: Թեև հրապարակումը կարճ ժամանակ անց հեռացվել է, այն հասցրել է բազմաթիվ դիտումներ հավաքել ու շոկի ենթարկել համացանցի օգտատերերին:
«Գուցե ես շատ պարզունակ հարց տամ, սակայն մի՞թե ինքնաթիռը բանալի է ունենում», - գրել են տեսանյութի մեկնաբանություններում:
Ոմանք էլ ծաղրել են օդաչուին. «Դա ակնհայտորեն անհարմար է»: