«Իմ քայլը» խմբակցության պատգամավորը մանդատից հրաժարվելու դիմում է ներկայացրել
«Իմ քայլը» դաշինքից ԱԺ պատգամավոր ընտրված Վահագն Գրիգորյանը հունվարի 15-ին մանդատից հրաժարվելու դիմում է ներկայացրել: Այս մասին այսօր՝ հունվարի 15-ին, ԱԺ նիստի սկզբում հայտարարեց խորհրդարանի նախագահ Արարատ Միրզոյանը:
Նա, մասնավորապես, նշեց, որ եթե հրաժարականի հրապարակումից հետո մեկ շաբաթվա ընթացքում պատգամավորը գրավոր դիմումով հետ է վերցնում իր դիմումը, ապա ԱԺ նախագահը հանդես է գալիս հայտարարությամբ, եթե հետ չի վերցնում, ապա նրա լիազորություններիդ ադարման մասին կազմվում է արձանագրություն, ստորագրում եւ հրապարակում է ԱԺ նախագահը: Այդ պահից հրաժարականը համարվում է ընդունված:
Նշենք, որ Վահագն Գրիգորյանը պատգամավոր է ընտրվել Երեւանի Կենտրոն, Նորք–Մարաշ, Էրեբունի Նուբարաշեն վարչական շրջաններն ընդգրկող թիվ 4 ընտրական տարածքից: