«Եվրատեսիլ-2019» մրցույթում Ռուսաստանը կարող է ներկայացնել Օլգա Բուզովան
«Եվրատեսիլ-2019» երգի միջազգային մրցույթում Ռուսաստանը կարող է ներկայացնել երգչուհի, հեռուստահաղորդավարուհի Օլգա Բուզովան, հայտնում է ria.ru-ն:
Նշվում է, որ արտիստի անունը կհայտարարվի հունվարի կեսին՝ «Ռոսիա-1» հեռուստաալիքով:
Այս տարի չի լինի ազգային ընտրություն, իսկ մրցույթում երկրի ներկայացուցչին կընտրեն թեկնածուների կարճ ցանկից: Սակայն ընտրության չափանիշների մասին չի հաղորդվում:
Բուզովայից բացի՝ թեկնածուների ցանկում են նաև Ալեքսանդր Պանայոտովը, երգչուհի Manizha-ն, Black Star-ի աստղ Եգոր Կրիդը, Լենա Տեմնիկովան, Սերգեյ Լազարևը և Ֆիլիպ Կիրկորովը:
«Եվրատեսիլ-2019»-ը կանցկացվի մայիսի 14-18-ը՝ Թել Ավիվում: